«Barmańdar Qoıanbaevtyń kınolaryna»: Ermek Tursynov adasqan qazaq jastary týraly aıtty

«Keıbireýler sen nege qazaqqa til tıgizesiń deıdi. Kimge endi til tigizýim kerek? Orysqa ma, nemiske me? О́zim qazaq bolǵannan keıin, árıne qazaqqa til tıgizesiń. Sen nege osyndaı jalqaýsyń? Sen nege osyndaı nadansyń? Nege sonsha qudaıshyl bolyp kettiń, aıaq astynan?… Eshqashan ondaı bolmaǵan, men de aýylda óstim ǵoı. Eshqashan molda otyrǵan joq, dastarhannyń basynda, úlkender otyratyn, aqsaqaldar. Aqsaqaldar toı bolsa, joq bireýlerdi jerlep jatsa da, aqsaqal bastaıdy da, aqsaqal bitiredi osymen. Sońǵy sóz aqsaqalǵa beriledi. Eliktemeńder, jyndy bolmańdar, tobyr bolmańdar, kitap oqyńdar. Durys kitap oqyńdar, durys kıno kórińder. «Barmańdar Qoıanbaevtyń kınolaryna» dep qansha jyl boıy aıtyp kele jatyrmyn, biraq meni tyńdaıtyn adam joq qoı.

Bizdiń jastar shyndyqty izdep júr. Rýhanı kedeılik… Shyndyqty dinnen taýyp jatyr, óıtkeni olardyń suraqtary kóp, al ıslamda jaýap kóp. Kez kelgen suraqqa jaýap daıyn turady. Din degen de ol da bir bólek ıdeologııa… О́te myqty, kóne zamannan kele jatqan daıyn jaýaptar bar kez kelgen suraqqa. Al, bizdiń bılikte, al bizdiń qazirgi aqsaqaldarda, aqsaqaldardyń ózi de joq qoı, shaldar kóp. Olarda ondaı daıyn jaýap joq. Sóz aıtatyn aqsaqal qalmady bizde… Aqsaqaldar bylaı tursyn, bir laýazymdy, betke ustar azamattar, senetin, kópti kórgen, ondaı azamattar joqtyń qasy… Kóbisi sol din jolyna ketip qaldy… Olar adasyp júr dep aıta almaımyn, biraq ózderiniń osyndaı bir jolyn taýyp aldy. Al, qalǵandary júr, tıktokta, ınstagramda… Sondyqtan bir qazir jas býyndy joǵaltyp aldyq», — dedi rejısser.