«Barselona» Ispanııa chempıony atandy

«Barselona» fýtbol klýby 2024/25 jylǵy maýsymda Ispanııanyń La Lıgasynda merziminen buryn chempıon atandy. Bul týraly Qandastar.kz aqparattyq portaly habarlaıdy.

36-týrda syrt alańda «Espanoldy» 2:0 esebimen jeńgennen keıin katalonııalyq komanda qarsylastarynan upaı sany boıynsha ozyp shyǵyp, maýsymnyń aıaqtalýyna eki týr qalǵanda chempıondyqty qamtamasyz etti.

Bul – «Barselonanyń» tarıhyndaǵy 28-shi ulttyq chempıondyǵy. Katalondyq ujym Ispanııa birinshiliginde sońǵy jyldary basty básekelesi «Real Madrıdpen» alma-kezek chempıondyqqa talasyp keledi.

2024/25 jylǵy maýsym «Barselona» úshin tabysty ótti. Komanda Chempıondar lıgasynda jartylaı fınalyn deıin jetip, ½ fınalda mılandyq “Interden” jeńilip, jarysty aıaqtady. Sonymen qatar, Ispanııa kýbogynyń fınalynda «Barselona» óziniń eń basty qarsylasy «Real Madrıdti» utyp, ulttyq kýbokty da jeńip aldy.