الەم جاڭالىقتارىجاڭالىقتار
«بارىن سالمادى, كۇشىن ساقتاپ بوكستاستى»: جۋرناليست وليمپيادادا جەڭىلگەن قازاق بوكسشىسىنا ءتيىستى
كوللاج: Sn.kz
قوعام بەلسەندىسى, جۋرناليست, باسپاگەر شىڭعىس مۇقان پاريج وليمپياداسىنا ەل نامىسىن قورعاۋ ءۇشىن بارعان قازاق بوكسشىلارىن سىنادى, دەپ حابارلايدى Skifnews.kz اقپارات پورتالى.
ول قازاقستاندىق بوكشىلاردىڭ ارەكەتى تۋرالى الەۋمەتتىك جەلىدەگى پاراقشاسىندا جازدى.
«شىمبەرگەنوۆ ءوز ويىنىن تاڭا المادى. يوردانيا سپورتشىسىنىڭ شەبەرلىگى تومەن بولعانىمەن, جانكەشتىلىگى باسىم ەكەن, ءارى ءوزىنىڭ توبەلەسكە ۇقساس ويىن ءادىسىن وتكىزدى. باپكەرلەرى دە قاتتى قايرايدى ەكەن. ءبىزدىڭ باپكەرلەر جولداستىق كەزدەسۋگە كەلگەندەي سەلقوس. شىمبەرگەنوۆ, نەگە ەكەنى بەلگىسىز, بارىن سالمادى. كۇشىن ساقتاپ بوكستاستى. وليمپيادادا ءاربىر جەكپە-جەككە ءومىردىڭ سوڭعى جەكپە-جەگىندەي شىق دەپ ەشكىم ەسكەرتپەگەن بە?
يوردانيا بوكسشىسى دا مىنا بوكسىمەن ۇزاققا بارمايدى», — دەپ جازدى ول.
ەسكە سالساق, بۇعان دەيىن بوكستان قازاقستان كومانداسىنىڭ كاپيتانى اسلانبەك شىمبەرگەنوۆ پاريج وليمپياداسىنداعى العاشقى جەكپە-جەكتە جەڭىلىپ قالدى.
