«Barys» ordenin alǵan Nurlan О́nerbaev zeınetke shyǵatynyn aıtty

Foto: vıdeodan kadr Nurlan О́nerbaev Prezıdent qolynan alǵan I dárejeli «Barys» ordenin alǵan soń qandaı áserde bolǵanyn aıtyp berdi, dep habarlaıdy qandastar.kz El.kzaqparat agenttigine silteme jasap.

Qatty tolqý ústinde boldym dep aıta almaımyn. Bir jaǵynan kútpegen jaǵdaı. Shyn aıtsa, dál osyndaı marapat bolady dep kútken joqpyn. Uıǵarǵan eken, laıyqty dep tapqan eken. On kúnnen keıin jasym 63-ke tolyp, zeınetke shyǵamyn. О́nerdiń tabaldyryǵn attaǵanyma 46 jyl bolady eken. 46 jyl artta qalǵanda ónerime, shyǵarmashylyǵyma shabyt beretin osyndaı ústeme jasaıdy dep kútken joqpyn. Marapat bolatynyn habarlady. Biraq naqty qandaı bolatynyn aıtpady, – dedi ánshi «Tańsholpan» baǵdarlamasyna bergen suhbatynda.

Sonymen qatar О́nerbaev mundaı jetistikke kompozıtorlar men tyńdarmandardyń arqasynda jetkenin aıtyp, olarǵa alǵysyn bildirdi.

О́ner tabaldyryǵyn 1978 jyly attadym. Sodan beri el aldyna shyǵyp, oryndap júrgen ánderim tyńdarmandardyń júregine jetip, kóńiliniń tórinen oryn alǵan ánder dep aıtsam qatelespeıtin shyǵarmyn. Men keshe osy marapatty alyp turyp, ózimniń ishki oıym birinshi kezekte meniń avtorlarym men kompozıtorlarymda boldy. Osy jyldarda elge súıkimimdi arttyrǵan, meni tanymal etken, kórermenniń kóńiline kótergen eń tamasha, qanatty, sulý ánderdi usynǵan eken maǵan. Keshe ómirden ótip ketken kompozıtorlar, búginde ortamyzda júrgender de bar. Birinshi kezekte solarǵa alǵysymdy aıtamyn. Ekinshiden, meniń tyńdarmandarymnyń arqasy. Osy marapttar da, el aldynda osylaı erkelep júrýimiz de solardyń ystyq yqylasy, qoshemeti, mahabbaty, – dedi О́nerbaev.