باس يمامداردىڭ ديپلومدارى كۇماندى – جۋرناليست مينيسترگە ساۋال قويدى

بەلگىلى جۋرناليست وراز الىمبەكوۆ عىلىم جانە جوعارى ءبىلىم ءمينيسترى ساياسات نۇربەكتىڭ ۆيدەوسىن ءبولىسىپ, مينيسترگە ساۋال جولدادى, دەپ حابارلايدى Skifnews.kz اقپارات پورتالى.

ۆيدەودا مينيستر جالعان قۇجات جاساتقانداردىڭ 2 جىلعا دەيىن باس بوستاندىعى شەكتەلەتىنى نەمەسە ايىرىلاتىنىن, ال قايتالانعان جاعدايدا 4 جىلعا جازا كەسىلەتىنىن ءتۇسىندىرىپ تۇر.

وسى ايتىلعاندى العا تارتقان جۋرناليست «باس ءمۇفتيدىڭ ديپلومىن قاشان تەكسەرەدى?» دەگەن سۇراق قويىپ, ءبىراز يمامنىڭ ديپلومدارىنا كۇمانمەن قارايتىنىن جەتكىزدى.

مينيستر ساياسات نۇربەك 1991 جىلدان باستاپ بەرىلگەن ديپلومداردى تەكسەرىپ, جالعان ديپلوم يەلەرىن جازاعا تارتپاقشى. مەن بۇعان دەيىن باس ءمۇفتي ناۋرىزباي وتپەنوۆ پەن كەمى ءۇش قالانىڭ (استانا, الماتى, شىمكەنت) باس يمامدارىنىڭ ديپلومدارى كۇماندى ەكەنىن دالەلدەپ جازعانمىن. ءتىپتى, ناۋرىزباي وتپەنوۆتىڭ دوكتور دارەجەسىن الۋى دا كۇماندى. ول باسقا قالادا تولىق ستاۆكادا جۇمىس ىستەگەن, ال ءوزى مىڭ شاقىرىم الىستاعى قالادا دوكتورانتۋرا وقىعان…

مينيستر وسىنداي جالعان ديپلومدى پايداعا اسىرىپ جۇرگەن قۋاياقتاردىڭ 2 جىلعا سوتتالاتىنىن ايتتى. ونىڭ ءسوزى راس بولسا, جاقىن ارادا سوتتىڭ ايىپتالۋشىلار ورىندىعىنان سالدە تاققان مولدالاردى دا كورىپ قالامىز, قۇداقالاسا, – دەپ بولجام جاسادى جۋرناليست.