Bas prokýror 278 mln teńge somaǵa eńbekaqy óndirip alynǵanyn aıtty

Foto: ashyq derekkóz

1991 jyly dál osy kúni Qazaqstan Respýblıkasynyń joǵary qadaǵalaý organynyń júıesi bekitilgen edi. Osyǵan oraı Bas prokýror Berik Asylov suhbat berdi, dep jazdy qandastar.kz

Bas prokýror Berik Asylovtyń aıtýynsha, qadaǵalaý qyzmetiniń aýqymy qoǵamdyq múddeler salasynda da artty.

«Bul rette biz azamattardyń áleýmettik, ekonomıkalyq jáne qylmystyq salaǵa baılanysty emes ózge de quqyqtaryn qorǵaý úshin jumys atqaramyz. Ásirese, kómekke muqtaj balalar, egde adamdar jáne quqyqtaryn ózdigimen qorǵaı almaıtyn adamdardyń múddelerin qorǵaımyz.

Eńbek qatynastary salasy – bizdiń erekshe nazarymyzda. Osy jyly prokýratýra aktisi boıynsha 122 myń jumyskerdiń quqyǵy qorǵaldy, 278 mln teńge somaǵa eńbekaqy óndirilip alyndy. Sondaı-aq menshik týraly zańnamanyń, qarjy zańnamasynyń, salyq, keden, bıýdjettik qatynastar, tabıǵat qorǵaý zańnamalarynyń saqtalýyna qadaǵalaý júrgizemiz. Kólik salasynda 640 mln-nan asa somaǵa memleket múddesi qorǵaldy.

Qadaǵalaý aıasyna ákimshilik quqyqbuzýshylyq, azamattyq is júrgizý, ákimshilik ádileti, azamattyq ister boıynsha sot sheshimderiniń oryndalýy jónindegi ister kiredi. Qadaǵalaý quraldary adamdardyń ómirine jáne densaýlyǵyna, eldiń qaýipsizdigine qater tóngen jaǵdaılarda da jumyldyrylady.

Áleýmettik-ekonomıkalyq salada quqyqtyq tártipti qamtamasyz etýde osylaısha júıeli qadaǵalaý qalyptasqan. Bıyl prokýratýra aktileri boıynsha 287 myńnan asa adamnyń konstıtýııalyq quqyǵy qalpyna keldi, 1,5 mln-ǵa jýyq jasóspirim qorǵaldy, onyń ishinde alıment boıynsha 4 mlrd teńge óndirilip alyndy»,– dedi Berik Asylov Egemen Qazaqstan gazetine bergen suhbatynda.