جاڭالىقتار
باس پروكۋرور پرەزيدەنتكە ەسەپ بەردى
اقوردانىڭ حابارلاۋىنشا, بەرىك اسىلوۆ قىلمىستىق احۋال جانە قىلمىستىق-قۇقىقتىق سالاداعى ازاماتتاردىڭ كونستيتۋتسيالىق قۇقىقتارىن قامتاماسىز ەتۋگە باعىتتالعان شارالار تۋرالى باياندادى:
وسىلايشا, پروكۋراتۋرا سوتقا دەيىنگى تەرگەپ-تەكسەرۋ ساتىسىندا قىلمىستىق ءىس جۇرگىزۋ كودەكسىنە قايشى كەلەتىن 32 مىڭنان استام قاۋلىنى توقتاتىپ, 4 مىڭ ادامنىڭ قىلمىستىق وربيتاعا نەگىزسىز تارتىلۋىنا جول بەرمەدى, زاڭسىز قاماۋعا الىنعان 1500-دەن استام ادامدى بوساتتى. باس پروكۋروردىڭ نارازىلىعىنان كەيىن جوعارعى سوت 150 ادامنىڭ جاعدايىن جاقسارتىپ, ونىڭ 10-ى تولىق اقتالدى.
«الەۋمەتتىك-ەكونوميكالىق سالادا 81 مىڭ كاسىپكەردىڭ, 979 مىڭ زەينەتكەردىڭ, حالىقتىڭ الەۋمەتتىك تۇرعىدان از قامتىلعان توپتارىنىڭ جانە باسقا دا ازاماتتاردىڭ بۇزىلعان قۇقىقتارى قالپىنا كەلتىرىلگەنىن حابارلادى. 123 مىڭ جۇمىسشىنىڭ ەڭبەك قۇقىعىن بۇزۋعا جول بەرىلمەگەن. جالپى سوماسى 4,5 ميلليارد تەڭگە بولاتىن اليمەنت بويىنشا قارىز وندىرىلگەن», – دەپ جازىلعان اقوردانىڭ رەسمي حابارلاماسىندا.
اسىلوۆ سونىمەن قاتار, بىلتىر مەملەكەت پايداسىنا 627 ميلليارد تەڭگەدەن اساتىن وتەماقى قايتارىلعانى جونىندە جانە ەكونوميكاعا 12 تريلليون تەڭگەدەن استام قارجى قۇيعان 800 ينۆەستورعا پروكۋرورلىق كومەك بەرىلگەنىن ايتتى.
– پروكۋراتۋرا اكتىسى بويىنشا 136 لاۋازىمدى تۇلعا جاۋاپقا تارتىلعان
– پروكۋرورلار ينۆەستورلارعا قاتىستى مەملەكەتتىك ورگانداردىڭ 712 شەشىمىنە كەلىسىم بەرمەگەن;
– ينۆەستيتسيالىق جوبالارعا قولداۋ كورسەتۋ بارىسىندا «پروكۋرورلىق سۇزگىنى» پايدالانۋ ءوز تيىمدىلىگىن كورسەتكەن;
– جالپىۇلتتىق پۋلعا ەنگەن جوبالاردىڭ جۇزەگە اسىرىلۋىن قاداعالاۋعا مۇمكىندىك بەرەتىن تسيفرلى ينۆەستيتسيالىق پلاتفورما بەلسەندى قىزمەت اتقارىپ كەلەدى;
اسىلوۆ سونىمەن قاتار, قوعام نازارىن اۋدارعان بىرقاتار قىلمىستىق ءىستى تەرگەۋ بارىسى جونىندە جانە قىلمىسقا قارسى كۇرەستە تسيفرلىق تەحنولوگيالاردى جاپپاي ەنگىزۋ جونىندە باياندادى. اتاپ ايتقاندا, ىزدەۋدە جۇرگەن ازاماتتاردى «اقىلدى» بەينەكامەرانىڭ كومەگىمەن تابۋ (ىزدەۋدە جۇرگەندەر سانى 9,4 پايىزعا ازايدى) ءتاسىلى جولعا قويىلدى.
قاسىم-جومارت توقاەۆ «زاڭ جانە ءتارتىپ» قاعيداسىن ىسكە اسىرۋ, بارلىق سالادا زاڭنامانىڭ ساقتالۋىن قامتاماسىز ەتۋ جۇمىستارىن جالعاستىرۋدى تاپسىردى. سونداي-اق الاياقتىققا قارسى ءىس-قيمىل, ەسىرتكى بيزنەسىمەن كۇرەس, قوعامدىق ورىنداردا قۇقىقبۇزۋشىلىقتىڭ الدىن الۋ بويىنشا قۇقىق قورعاۋ مەن باسقا دا مەملەكەتتىك ورگانداردىڭ قىزمەتىن ۇيلەستىرۋدىڭ ماڭىزىن اتاپ ءوتتى.
– پروكۋرورلار ينۆەستورلارعا قاتىستى مەملەكەتتىك ورگانداردىڭ 712 شەشىمىنە كەلىسىم بەرمەگەن;
– ينۆەستيتسيالىق جوبالارعا قولداۋ كورسەتۋ بارىسىندا «پروكۋرورلىق سۇزگىنى» پايدالانۋ ءوز تيىمدىلىگىن كورسەتكەن;
– جالپىۇلتتىق پۋلعا ەنگەن جوبالاردىڭ جۇزەگە اسىرىلۋىن قاداعالاۋعا مۇمكىندىك بەرەتىن تسيفرلى ينۆەستيتسيالىق پلاتفورما بەلسەندى قىزمەت اتقارىپ كەلەدى;
اسىلوۆ سونىمەن قاتار, قوعام نازارىن اۋدارعان بىرقاتار قىلمىستىق ءىستى تەرگەۋ بارىسى جونىندە جانە قىلمىسقا قارسى كۇرەستە تسيفرلىق تەحنولوگيالاردى جاپپاي ەنگىزۋ جونىندە باياندادى. اتاپ ايتقاندا, ىزدەۋدە جۇرگەن ازاماتتاردى «اقىلدى» بەينەكامەرانىڭ كومەگىمەن تابۋ (ىزدەۋدە جۇرگەندەر سانى 9,4 پايىزعا ازايدى) ءتاسىلى جولعا قويىلدى.
قاسىم-جومارت توقاەۆ «زاڭ جانە ءتارتىپ» قاعيداسىن ىسكە اسىرۋ, بارلىق سالادا زاڭنامانىڭ ساقتالۋىن قامتاماسىز ەتۋ جۇمىستارىن جالعاستىرۋدى تاپسىردى. سونداي-اق الاياقتىققا قارسى ءىس-قيمىل, ەسىرتكى بيزنەسىمەن كۇرەس, قوعامدىق ورىنداردا قۇقىقبۇزۋشىلىقتىڭ الدىن الۋ بويىنشا قۇقىق قورعاۋ مەن باسقا دا مەملەكەتتىك ورگانداردىڭ قىزمەتىن ۇيلەستىرۋدىڭ ماڭىزىن اتاپ ءوتتى.
