ء«باس تىگۋ جارناماسىنسىز كينو كورەمىز»: قازاقستاندا بۋكمەكەرلىك ويىندار جارناماسى بارلىق سايتتان الىنباق

فوتو: الماتى اقشامى

“جارناما تۋرالى» زاڭ اياسىندا ەلىمىزدە بۋكمەكەرلىك كەڭسەلەر مەن ويىن جارنامالارىنا تولىق تيىم سالۋ قاراستىرىلىپ جاتىر. بۇل تۋرالى Stan.kz اقپارات اگەنتتىگى حابارلايدى.

تۋريزم جانە سپورت ۆيتسە-ءمينيسترى ميراس تولەباەۆ قازاقستاندا بۋكمەكەرلىك كەڭسەلەردىڭ جارناماسىن قالاي باقىلايتىنىن ءتۇسىندىردى.

“جارنامالارعا قارسى كۇرەس ەكى جۇيەمەن: اۆتوماتتاندىرىلعان جانە فيزيكالىق تۇردە دە ىسكە اسىرىلىپ جاتىر. زاڭ اياسىندا بارلىق بۋكمەكەرلىك كەڭسە, كازينو جارناماسىنا تولىق تىيىم سالۋ قاراستىرىلعان. سپورت مينيسترلىگى, اقپارات جانە تسيفرلاندىرۋ مينيسترلىگى قۇقىققا قايشى كونتەنتتى قامتيتىن كەز كەلگەن ينتەرنەت-رەسۋرس, جەلىلەر مەن تەلەكوممۋنيكاتسيالارعا تۇراقتى مونيتورينگ جۇرگىزەدى. سايتتاردان اتىپ شىعاتىن قالقىمالى جارنامالاردىڭ دا قۇقىق نورمالارى, ليتسەنزياسى تەكسەرىلەدى. اۆتوماتتاندىرىلعان رەجيمدە بۇل «كيبەرنادزور» اقپاراتتىق جۇيەسىنىڭ جەلىسى بويىنشا جۇرگىزىلەدى. قازىر بۇل «كيبەرنادزور» جۇيەسى ەلەۋلى تەحنيكالىق جانە باعدارلامالىق جاڭارتۋدان ءوتىپ جاتىر. 1-2 كۇن ىشىندە قايتا پايدالانۋعا ەنگىزگەننەن كەيىن جارنامانىڭ كەز كەلگەن ءتۇرى بۇعاتتالادى”, – دەدى ول.

بۇعان دەيىن شەنەۋنىكتەردىڭ, بورىشكەرلەر تىزىمىندە تۇرعاندار مەن جاسى 21-گە تولماعان ازاماتتاردىڭ قۇمار ويىن ويناۋىنا تىيىم سالىنعانىن جازدىق.

بۇدان بىلاي «جارناما تۋرالى» زاڭعا سايكەس, بۋكمەكەرلىك كەڭسەلەر مەن كازينولاردى بارلىق رەسۋرستاردا جارنامالاۋ مۇمكىن ەمەس.