«Bás tigý jarnamasynsyz kıno kóremiz»: Qazaqstanda býkmekerlik oıyndar jarnamasy barlyq saıttan alynbaq

Foto: Almaty aqshamy

“Jarnama týraly» Zań aıasynda elimizde býkmekerlik keńseler men oıyn jarnamalaryna tolyq tıym salý qarastyrylyp jatyr. Bul týraly Stan.kz aqparat agenttigi habarlaıdy.

Týrızm jáne sport vıe-mınıstri Mıras Tólebaev Qazaqstanda býkmekerlik keńselerdiń jarnamasyn qalaı baqylaıtynyn túsindirdi.

“Jarnamalarǵa qarsy kúres eki júıemen: avtomattandyrylǵan jáne fızıkalyq túrde de iske asyrylyp jatyr. Zań aıasynda barlyq býkmekerlik keńse, kazıno jarnamasyna tolyq tyıym salý qarastyrylǵan. Sport mınıstrligi, Aqparat jáne ıfrlandyrý mınıstrligi quqyqqa qaıshy kontentti qamtıtyn kez kelgen ınternet-resýrs, jeliler men telekommýnıkaııalarǵa turaqty monıtorıng júrgizedi. Saıttardan atyp shyǵatyn qalqymaly jarnamalardyń da quqyq normalary, lıenzııasy tekseriledi. Avtomattandyrylǵan rejımde bul «Kıbernadzor» aqparattyq júıesiniń jelisi boıynsha júrgiziledi. Qazir bul «Kıbernadzor» júıesi eleýli tehnıkalyq jáne baǵdarlamalyq jańartýdan ótip jatyr. 1-2 kún ishinde qaıta paıdalanýǵa engizgennen keıin jarnamanyń kez kelgen túri buǵattalady”, – dedi ol.

Buǵan deıin sheneýnikterdiń, boryshkerler tiziminde turǵandar men jasy 21-ge tolmaǵan azamattardyń qumar oıyn oınaýyna tyıym salynǵanyn jazdyq.

Budan bylaı «Jarnama týraly» Zańǵa sáıkes, býkmekerlik keńseler men kazınolardy barlyq resýrstarda jarnamalaý múmkin emes.