جاڭالىقتار
«باس جۇلدە 5 مىڭ تەڭگە»: سەمەيدە 10 مىڭ تەڭگەگە جاس وسپىرىمدەر اراسىندا جارىس وتكىزىلگەن
فوتو: اشىق دەرەككوز
اباي وبلىسىنىڭ سەمەي قالاسىندا جاسوسپىرىمدەر اراسىندا وتكىزىلگەن جارىستاردىڭ جۇلدەسى تۋرالى الەۋمەتتىك جەلىدە بەينەسيۋجەت جاريالاندى, دەپ حابارلايدى Alash.KZ.
اتالمىش ۆيدەودا پالۋانداردى ماراپاتتاۋ ءساتى كورسەتىلەدى.
قىزىق بولعاندا, مىنبەرگە كوتەرىلگەن چەمپيوندارعا بەرىلگەن جۇلدە قورى ادامنىڭ اقىلىنا سىيمايدى. ناقتىراق ايتقاندا, 3-ورىنعا 2 مىڭ تەڭگە, 2-ورىنعا 3 مىڭ تەڭگە, ال 1-ورىنعا بەرگەن جۇلدەنىڭ كولەمى نە بارى 5 مىڭ تەڭگە عانا.
جارىس تۋرالى جەلىدەگى وقىرماندار ءارتۇرلى پىكىر جازىپ جاتىر. مىسالى, ءبىر وقىرمان بۇل جارىستىڭ قورى 500 مىڭ تەڭگە دەپتى. سوندا قالعان اقشا قايدا جۇمسالعانى تۇسىنىكسىز.
ال تاعى ءبىر وقىرمان «ادامدى وسىنشاما قورلاۋعا بولا ما? وسى ءۇش بالا ءبىر گازەل جۇك تۇسىرسە, بۇدان كوپ تابار ەدى عوي» دەپ جازىپتى.
كەلەسى وقىرمان «10 تەڭگەم بار ەدى,مەن دە ءبىر جارىس وتكىزىپ جىبەرسەم بولادى ەكەن عوي. مىنالاردا ۇيات بار ما?» دەپ جازىپتى. وقىرمانداردىڭ كوبى 10 مىڭ تەڭگەلىك جۇلدە تىگىلگەن اتالمىش جارىستى «جاستاردىڭ ساعىن سىندىرۋ, قازاقستانداعى سپورتتاعى جەمقورلىق اشىق كورىنىسى» دەپ باعالاپتى.
