جاڭالىقتارقارجى جانە تولەمدەر
باسسەين سالامىن دەپ 130 ملن بيۋدجەتتىڭ قارجىسىن جىمقىرعان ازامات ۇستالدى
فوتو: ۆيكيپەديا
قاراعاندى وبلىسىندا باسسەين سالۋعا بولىنگەن بيۋدجەت قاراجاتىن جىمقىرىپ, ۇكىمەتكە 130 ملن استام زالال كەلتىرگەن ازامات ۇستالدى. بۇل تۋرالى قارجىلىق مونيتورينگ اگەنتتىگى حابارلادى.
بالالار سپورتىن دامىتۋعا ارنالعان الەۋمەتتىك ماڭىزى بار وبەكتىنىڭ قۇرىلىسىن باقىلاعان ازامات قۇرىقتالدى. ول ورىندالعان جۇمىستاردىڭ جالعان اكتىلەرى بويىنشا جەتكىزىلمەگەن قۇرىلىس ماتەريالدارىنىڭ قاراجاتىن وزىنە قاراستى كاسىپورىننىڭ شوتىنا اۋدارىپ وتىرعان. سونداي-اق باسسەين قۇرىلىسىنا قاتىسى جوق باسقا دا كاسىپورىنداردىڭ اتىنا قاراجات اۋدارعان.
بۇل جىمقىرۋ فاكتىسى كەشەندى قۇرىلىسى-ەكونوميكالىق سوتى مەن ەكونوميكالىق سوت ساراپتامالارىنىڭ قورىتىندىسىنا سايكەس جۇرگىزىلگەن جۇمىستار ناتيجەسىندە انىقتالدى.
اتالعان ازامات ۇستالىپ, وعان قاتىستى سوت ء«ۇي قاماققا الۋ» شاراسىن قولداندى. قازىرگى ۋاقىتتا سوتقا دەيىنگى تەرگەۋ جۇرگىزىلۋدە.
