Basseın salamyn dep 130 mln bıýdjettiń qarjysyn jymqyrǵan azamat ustaldy

Foto: vıkıpedııa

Qaraǵandy oblysynda basseın salýǵa bólingen bıýdjet qarajatyn jymqyryp, úkimetke 130 mln astam zalal keltirgen azamat ustaldy. Bul týraly qarjylyq monıtorıng agenttigi habarlady. 

Balalar sportyn damytýǵa arnalǵan áleýmettik mańyzy bar obektiniń qurylysyn baqylaǵan azamat quryqtaldy. Ol oryndalǵan jumystardyń jalǵan aktileri boıynsha jetkizilmegen qurylys materıaldarynyń qarajatyn ózine qarasty kásiporynnyń shotyna aýdaryp otyrǵan. Sondaı-aq basseın qurylysyna qatysy joq basqa da kásiporyndardyń atyna qarajat aýdarǵan.

Bul jymqyrý faktisi keshendi qurylysy-ekonomıkalyq soty men ekonomıkalyq sot saraptamalarynyń qorytyndysyna sáıkes júrgizilgen jumystar nátıjesinde anyqtaldy.

Atalǵan azamat ustalyp, oǵan qatysty sot «úı qamaqqa alý» sharasyn qoldandy. Qazirgi ýaqytta sotqa deıingi tergeý júrgizilýde.