Jańalyqtar
Basshylyq kóp, jalaqy az: Air Astana bortserikteri jumys jaǵdaılaryn aıtyp shaǵymdandy
Foto: turproezdka.ru
Air Astana kompanııasynyń bortserikeri jalaqylarynyń azdyǵyn aıtyp narazylyq tanytty. Olar shaǵymdaryn 12 maýsymda eotinish portalyna jarııalaǵan. Ereýil men narazylyqqa shyǵýǵa ruqsat joq degen qyzmetkerler endi basshylyqtyń osy úshin jumystan shyǵarýy múmkin ekenin jetkizdi. Bul týraly Stan.kz aqparat agenttigi Qaz365.kz portalyna silteme jasap habarlaıdy.
Qyzmetkerlerdiń aıtýynsha olar osyǵan deıin óz ýájderin ashyǵynan aıta almaǵan. Sebebi kompanııa narazylyqqa shyǵýǵa shek qoıǵan. Sol sebepti olar eotinish portalyna jarııalaýǵa májbúr bolǵan. Degenmen qazir Air Astana-da shaǵym avtorlaryn tabý maqsatynda izdeý bastalǵan. Olar jumystan shyǵarylamyz ba dep alańdap otyrǵanyn jetkizdi.
«Bizge ereýilge shyǵýǵa zańmen tyıym salynǵandyqtan óz máselelermiz jaıly basqasha aıta almaımyz. Qatardaǵy bortseriktiń eńbekaqysy 240 myńnan 320 myń teńgege deıin quraıdy. Bul rette QR Ulttyq statıstıka bıýrosynyń derekteri boıynsha 2024 jyldyń birinshi toqsanynda ortasha aılyq ataýly jalaqy 382 279 teńgeni qurady. Sonymen qatar, QR Eńbek kodeksiniń 105-babynyń 1-tarmaǵyna sáıkes aýyr jumystarmen, zııandy nemese qaýipti eńbek jaǵdaılary bar qyzmetkerlerge eńbekaqy tóleý joǵary mólsherde belgilenedi», — delingen habarlamada.
Qymetkerler sonymen qatar zeınetke shyǵý jasyna da kóńilderiniń tolmaıtynyn jetkizdi. 2023 jyly qabyldanǵan áleýmettik kodekste aýyr jumystardaǵy qyzmetkerler erte zeınetke shyǵyp, arnaıy áleýmettik tólem alýǵa quqyǵy bar.
Qyzmetkerler basshylyq tarap pen kadr saıasatyn da synǵa aldy.
«Bizde vıe-prezıdentter, menedjerler tym kóp. Sheteldik basshylyq bar, olardyń jalaqysy qazaqstandaǵydaı emes. Qazir kompanııanyń shtaty 5000-nan asady. Al bort qyzmekerleri nebári 25. Bul 1 ushaqqa 200 adamdy quraıdy. Kompanııa ózin eń jaqsy jumys berýshi dep qarastyrǵanymen, qyzmetkerler múlde basqa pikirde”, – dep qosty olar.
Qyzmetkerler bonýs retinde júretin qyzmettik bıletterge de shaǵymyn jetkizdi. Aıtýlarynsha mundaı bıletterdi paıdalanýda borttardyń únemi júktelýine baılanysty ushýǵa múmkindik joq. Al keıdi basshylardyń basymdyǵyna baılanysty qarapaıym jumysshylar 4-5 kún kezekte turýǵa keıde qosymsha shyǵyndardy kóterýge májbúr bolady eken.
«Jyl boıy derlik borttardy júkteý arqyly kompanııanyń 2023 jylǵy salyqty esepteemegendegi kirisi 68,7 mıllıon dollardy qurady. Biraq kompanııa qyzmetkerlerine syıaqy da bermedi. Samuryq-Qazyna kompanııalarynda syıaqy paıdaǵa qaramastan toqsan saıyn bir jalaqy mólsherinde tólenedi. Al bizde eger kompanııa boljamdy paıda boıynsha jospardy oryndasa ǵana oryndalady. Onyń ózinde deńgeıdi basshylyq belgileıdi. Kóptegen qyzmetkerler jalaqyǵa rıza emes. Basqa kompanııalarǵa ketýge májbúr. Kompanııa qyzmetkerlerdi jolserikterdi baǵalamaıdy. Áıtpese mundaı shaǵym bolmas ta edi. Qazir bortserikter tapshy. Kóbisi jumystan ketýge daıyndalyp jatyr. Tipti 3 jyldyq kelisimshartty merzimin tolq atqarmasa da”, — dep jazdy bort serikter.
Keın Air Astana kompanııasy bortserikter shaǵymyna baılanysty pikir bildirdi.
“Avıakompanııada bortseriktiń aı saıynǵy jalaqysy ár ushý saǵattarymen esepteledi. Sonymen qatar, olar issaparda bolǵan kezde táýliktik aqy men jol aqysy úshin qosymsha qarajat alady. Bortserikterdiń jalaqysy jáne basqa da qosymsha tólemder jyl saıynǵy negizde qaıta qaralady. Jalaqy avıakompanııadaǵy jumys ótiline jáne kásibı eńbegine baılanysty esepteledi», — delingen avıakompanııanyń jaýabynda.
Kompanııa sonymen qatar bortserikterdiń jumys kezine 4-5 juldyzdy qonaqúılerde turýyn qamtamasyz etetinin de qosa ketti.
“Ushý quramynyń eńbek jáne demalys, sondaı-aq zeınetke shyǵý jaǵdaılary QR eńbek zańnamasymen qatań rettelgen. Avıakompanııa basshylyǵy bortserikterdiń ótinishterin nazarǵa alady jáne ekıpajdar men basqa da qyzmetkerlerdiń eńbek jáne demalys jaǵdaılaryn odan ári jaqsartý jónindegi jospardy ázirleıdi», — delingen vedomstvonyń jaýabynda.
