الەۋمەت جانە قوعامجاڭالىقتار
باسى داۋعا قالعان كوكشەتاۋ اكىمىنىڭ 26 جاستاعى كومەكشىسى ءوز ەركىمەن جۇمىستان كەتتى
فوتو: ءىnstagram.com/aiym_turapekova
كوكشەتاۋ قالاسى اكىمىنىڭ كوممۋنيكاتسيالار جونىندەگى كەڭەسشىسى ايىم تۇراپەكوۆا قىزمەتكە كەلگەنىنە ءبىر تولماستان جۇمىستان كەتۋ تۋرالى ءوتىنىش جازدى, دەپ حابارلايدى qandastar.kz skifnews.kz اقپارات پورتالىنا سىلتەمە جاساپ.
كوكشەتاۋ اكىمدىگى ايىم تۇراپەكوۆانىڭ ءوز ەركىمەن جۇمىستان كەتكەنىن راستادى. وسىلايشا كوكشەتاۋ قالاسى اكىمىنىڭ كوممۋنيكاتسيالار جونىندەگى كەڭەسشىنىڭ ورنى قايتا بوسادى.
ايتا كەتەيىك, 26 جاستاعى ايىم تۇراپەكوۆا ماۋسىم ايىنىڭ باسىندا كوكشەتاۋ اكىمىنىڭ كوممۋنيكاتسيالار جونىندەگى كەڭەسشىسى قىزمەتىنە تاعايىندالدى. جاڭا كەڭەسشىنىڭ ءومىربايانى الەۋمەتتىك جەلىدە قىزۋ تالقىعا ءتۇستى.
ايىم تۇراپەكوۆانىڭ 2015 جىلى, ياعني نەبارى 16 جاسىندا پرەمەر-مينيستر كەڭسەسىندە تاجىريبەدەن وتكەندى جەلى قولدانۋشىلارىنڭ نازارىن اۋداردى. كەيىن بۇل مالىمەتكە وزگەرىستەر ەنگىزىلدى. الدىمەن 2019 جىل دەپ تۇزەتىلدى, ارتىنان مۇلدە الىنىپ تاستالدى.
