جاڭالىقتار
باسىنا پاكەت كيگىزىپ, ۇرىپ-سوققان: سوتتا پوليتسيا قىزمەتكەرلەرىنە قاتىستى تىڭ دەرەك ايتىلدى
فوتو: Qaz365.kz
ايىپتالۋشىلارعا ازاپ كورسەتۋ فاكتىسى تىركەلمەدى. شەرزات ءىسى بويىنشا مەملەكەتتىك ايىپتاۋشى تەكسەرىس ناتيجەلەرىن جاريا ەتتى, دەپ حابارلايدى Qandastar.kz اقپاراتتىق پورتالى ALASH.KZ.-كە سىلتەمە جاساپ.
بۇعان دەيىن 16 جاستاعى شەرزات پولاتتى ءولتىرۋ ءىسى بويىنشا سوت پروتسەسى كەزىندە ايىپتالۋشىلار نۇربول توقتاۋباەۆ پەن ازامات توقتاۋباەۆ باستاپقى جاۋاپتارىن ازاپتاۋ ارقىلى بەرگەندەرىن ايتىپ, ولاردان باس تارتقان بولاتىن.
نۇربول توقتاۋباەۆ پوليتسەيلەردىڭ ءوزىن جانە باسقا ايىپتالۋشىلاردى ۇرىپ-سوققانىن مالىمدەدى.
ونىڭ ايتۋىنشا, ولاردىڭ باسىنا پاكەت كيگىزىپ, حاتتاماعا قول قويۋعا ماجبۇرلەگەن.
سونىمەن قاتار توقتاۋباەۆ ايىپتالۋشىلاردى ازاپتاعانداردىڭ قاتارىندا مارقۇم شەرزاتتىڭ اكەسى قارجاۋباي نۇرىموۆتىڭ دا بولعانىن ايتتى.
كەيىن پروكۋرور ەرجان قۇراقباەۆ جۇرگىزىلگەن تەكسەرىس ناتيجەلەرىن وقىپ بەردى, وندا ايىپتالۋشىلاردىڭ ايتقاندارى راستالماعانى كورسەتىلگەن.
«الماتى وبلىسى پوليتسيا دەپارتامەنتىنىڭ باسشىلىعى ىشكى تەكسەرىس جۇرگىزدى, الايدا ەشقانداي قۇقىقبۇزۋشىلىق انىقتالعان جوق», — دەدى ەرجان قۇراقباەۆ.
