«باسىندا پرانك دەپ ويلادىم»: شىمكەنتتە لومباردتى توناماق بولعان ادامدى توقتاتقان ستۋدەنت بوكسشى بولىپ شىقتى

فوتو: ۆيدەودان سكرين

شىمكەنتتىك 18 جاستاعى ستۋدەنت لومباردتى تاپانشامەن توناماق بولعان ادامدى توقتاتىپ, پوليتسياعا ۇستاپ بەرگەن ەدى. قازىرگى ۋاقىتتا ستۋدەنت جەلى جۇلدىزىنا اينالدى. بۇل تۋرالى Stan.kz اقپارات اگەنتتىگى 24.kz ارناسىنا سىلتەمە جاساپ حابارلايدى.

شابۋىلداۋشى لومباردقا كليەنت رەتىندە كىرىپ, سوسىن قىزمەتكەرگە تاپانشا باعىتتاعان. اتالعان وقيعاعا كۇتپەگەن جەردەن بوكسشى ۇلىقبەك احمەدوۆ ارالاسقان. دەنە شىنىقتىرۋ جانە سپورت فاكۋلتەتىنىڭ ءبىرىنشى كۋرس ستۋدەنتى توناۋشىنى توقتاتىپ, پوليتسياعا ۇستاپ بەرگەن.

وقيعا تاپا-تال تۇستە بولعان. قاراقشى قاراپايىم تۇتىنۋشىنىڭ اتىن جامىلىپ, لومباردقا كىرىپ كەتكەن. الايدا ءاپ ساتتە تاپانشاسىن سۋىرىپ الىپ, قىزمەتكەرگە قاراي باعىتتاعان. جاعداي كۇتپەگەن جەردەن وزگەرگەنىنە تاڭدانعان قىز, نە ىستەرىن بىلمەي ابدىراپ قالعان. سول ساتتە لومباردتا تۇرعان ەكىنشى كەلۋشى كۇدىكتىنى زالالسىزداندىرعان. قاراقشىنى ۇستاعان باتىر 18 جاستاعى ۇلىقبەك احمەدوۆ بولىپ شىقتى.

“بۇل جاعدايدى مۇلدە بايىپپەن قابىلداعان جوقپىن. سەبەبى پرانك دەپ ويلادىم. باسىندا ك ۇلىپ تۇردىم. “مۇنى شىنىمەن جاسايىن دەپ تۇرسىز با” دەپ سۇرادىم. ول دورەكى تۇردە ء“يا” دەپ جاۋاپ بەردى. سوسىن بارىپ, بايىپتى تىرلىك ەكەنىن ءتۇسىندىم. ول كاسساداعى قىزعا قاراپ, تاپانشانى باعىتتاعان كەزدە, سول قولىنان ۇرىپ, ورنىنا قويدىم”, – دەدى شىمكەنتتىڭ ۇلىقبەك احمەدوۆ.

ۇلىقبەك بوكسپەن 4 جىلدان بەرى اينالىسادى. قازىر ول ۋنيۆەرسيتەتتىڭ ءبىرىنشى كۋرس ستۋدەنتى, بولاشاق دەنە شىنىقتىرۋ ءپانىنىڭ مۇعالىمى. سول كۇنى وقۋ اقىسىن تولەۋ ءۇشىن تەلەفونىن كەپىلگە قويۋ ءۇشىن لومباردقا كەلگەن ەكەن.

“ ۇلىقبەك ءوز كۇشىن دۇرىس كەزدە عانا پايدالانادى. كوشەدە بىرەۋدى قورقىتۋ ارەكەتى بۇرىن-سوڭدى بولماعان. كەرىسىنشە, السىزدەرگە كومەكتەسىپ, سوعىسىپ جاتقانداردى اجىراتادى”, – دەيدى شىمكەنتتىك جانسۇلتان تىلەسوۆ.

18 جاستاعى ستۋدەنتتى شىمكەنتتىك پوليتسەيلەر ارنايى ماراپاتتادى. ەرلىگى ءۇشىن وعان سەرتيفيكات تابىس ەتىلىپ, لومبارد يەلەرى العىس رەتىندە جاڭا سمارتفون سىيلادى.

“قازىرگى ۋاقىتتا تۇرعىندار پوليتسياعا, قوعامدىق ءتارتىپتى قامتاماسىز ەتۋدە عانا ەمەس, قىلمىسكەرلەردى ىزدەستىرۋدە دە كومەكتەسەتىن جاعدايلار ءجيى كەزدەسەدى. قايسار جىگىتكە باتىل ارەكەتى ءۇشىن العىس ايتامىز. دەگەنمەن, مۇنداي جاعدايلاردا ءوز دەنساۋلىعىڭىزعا زيان ءتيۋى مۇمكىن ەكەنىن ۇمىتپاڭىز”, – دەدى شىمكەنت قالالىق پوليتسيا دەپارتامەنتىنىڭ رەسمي وكىلى باعلان يساتاەۆا.

لومباردتى توناماق بولعان كۇدىكتى قازىر ۋاقىتشا ۇستاۋ يزولياتورىندا وتىر. ال جاس جىگىتتىڭ ارەكەتىنە جەلى قولدانۋشىلارى تامسانىپ, جىلى لەبىزدەرىن ءبىلدىردى. ولاردىڭ پايىمداۋىنشا, ەرلىك ءۇشىن تەك كۇش عانا ەمەس, باتىلدىق پەن ازاماتتىق جاۋاپكەرشىلىك قاجەت.

ايتا كەتەيىك, بۇعان دەيىن شىمكەنتتەگى رىسقۇلوۆ كوشەسىندە ورنالاسقان لومباردتاردىڭ بىرىنە مەديتسينالىق بەتپەردە كيگەن بەلگىسىز ادام كىرىپ, لومبارد قىزمەتكەرلەرىنە قولىنداعى تاپانشاعا ۇقساس زاتپەن قورقىتقان ەدى. ول كاسسا قىزمەتكەرىنەن 100 مىڭ تەڭگە تالاپ ەتكەن. سول ساتتە كۇدىكتىنى ۇستاۋعا 18 جاستاعى ستۋدەنت كومەكتەسكەن.