«Basynda prank dep oıladym»: Shymkentte lombardty tonamaq bolǵan adamdy toqtatqan stýdent boksshy bolyp shyqty

Foto: Vıdeodan skrın

Shymkenttik 18 jastaǵy stýdent lombardty tapanshamen tonamaq bolǵan adamdy toqtatyp, polıııaǵa ustap bergen edi. Qazirgi ýaqytta stýdent jeli juldyzyna aınaldy. Bul týraly Stan.kz aqparat agenttigi 24.kz arnasyna silteme jasap habarlaıdy.

Shabýyldaýshy lombardqa klıent retinde kirip, sosyn qyzmetkerge tapansha baǵyttaǵan. Atalǵan oqıǵaǵa kútpegen jerden boksshy Ulyqbek Ahmedov aralasqan. Dene shynyqtyrý jáne sport fakýltetiniń birinshi kýrs stýdenti tonaýshyny toqtatyp, polıııaǵa ustap bergen.

Oqıǵa tapa-tal túste bolǵan. Qaraqshy qarapaıym tutynýshynyń atyn jamylyp, lombardqa kirip ketken. Alaıda áp sátte tapanshasyn sýyryp alyp, qyzmetkerge qaraı baǵyttaǵan. Jaǵdaı kútpegen jerden ózgergenine tańdanǵan qyz, ne isterin bilmeı abdyrap qalǵan. Sol sátte lombardta turǵan ekinshi kelýshi kúdiktini zalalsyzdandyrǵan. Qaraqshyny ustaǵan batyr 18 jastaǵy Ulyqbek Ahmedov bolyp shyqty.

“Bul jaǵdaıdy múlde baıyppen qabyldaǵan joqpyn. Sebebi prank dep oıladym. Basynda kúlip turdym. “Muny shynymen jasaıyn dep tursyz ba” dep suradym. Ol dóreki túrde “ıá” dep jaýap berdi. Sosyn baryp, baıypty tirlik ekenin túsindim. Ol kassadaǵy qyzǵa qarap, tapanshany baǵyttaǵan kezde, sol qolynan uryp, ornyna qoıdym”, – dedi shymkenttiń Ulyqbek Ahmedov.

Ulyqbek bokspen 4 jyldan beri aınalysady. Qazir ol ýnıversıtettiń birinshi kýrs stýdenti, bolashaq dene shynyqtyrý pániniń muǵalimi. Sol kúni oqý aqysyn tóleý úshin telefonyn kepilge qoıý úshin lombardqa kelgen eken.

“ Ulyqbek óz kúshin durys kezde ǵana paıdalanady. Kóshede bireýdi qorqytý áreketi buryn-sońdy bolmaǵan. Kerisinshe, álsizderge kómektesip, soǵysyp jatqandardy ajyratady”, – deıdi shymkenttik Jansultan Tilesov.

18 jastaǵy stýdentti shymkenttik polıeıler arnaıy marapattady. Erligi úshin oǵan sertıfıkat tabys etilip, lombard ıeleri alǵys retinde jańa smartfon syılady.

“Qazirgi ýaqytta turǵyndar polıııaǵa, qoǵamdyq tártipti qamtamasyz etýde ǵana emes, qylmyskerlerdi izdestirýde de kómektesetin jaǵdaılar jıi kezdesedi. Qaısar jigitke batyl áreketi úshin alǵys aıtamyz. Degenmen, mundaı jaǵdaılarda óz densaýlyǵyńyzǵa zııan tııýi múmkin ekenin umytpańyz”, – dedi Shymkent qalalyq polıııa departamentiniń resmı ókili Baǵlan Isataeva.

Lombardty tonamaq bolǵan kúdikti qazir ýaqytsha ustaý ızolıatorynda otyr. Al jas jigittiń áreketine jeli qoldanýshylary tamsanyp, jyly lebizderin bildirdi. Olardyń paıymdaýynsha, erlik úshin tek kúsh ǵana emes, batyldyq pen azamattyq jaýapkershilik qajet.

Aıta keteıik, buǵan deıin Shymkenttegi Rysqulov kóshesinde ornalasqan lombardtardyń birine medıınalyq betperde kıgen belgisiz adam kirip, lombard qyzmetkerlerine qolyndaǵy tapanshaǵa uqsas zatpen qorqytqan edi. Ol kassa qyzmetkerinen 100 myń teńge talap etken. Sol sátte kúdiktini ustaýǵa 18 jastaǵy stýdent kómektesken.