جاڭالىقتار
باتىرلاردىڭ ەسىمى ەشقاشان ۇمىتىلمايدى – ەرلان قارين
بۇگىن قورعانىس ءمينيسترى رۋسلان جاقسىلىقوۆتىڭ قاتىسۋىمەن قازاقستان اۋە قورعانىسى كۇشتەرىنىڭ تالدىقورعانداعى اۆيابازاسىنا كەڭەس وداعىنىڭ ەكى مارتە باتىرى سەرگەي لۋگانسكيدىڭ اتىن بەرۋگە ارنالعان سالتاناتتى ءىس-شارا ءوتتى
مەملەكەتتىك كەڭەسشى ەرلان قارين اتاپ وتكەندەي, مەملەكەت باسشىسى قاسىم-جومارت توقاەۆ ۇلتتىق قۇرىلتايدىڭ اتىراۋدا وتكەن وتىرىسىندا ايگىلى ۇشقىشتىڭ ەسىمىن جۇرت جادىندا جاڭعىرتۋ ءۇشىن اۆيابازانى ونىڭ اتىمەن اتاۋدى ۇسىنعان بولاتىن.
سەرگەي لۋگانسكي سوعىس جىلدارى 390 رەت اۋەگە كوتەرىلىپ, جەكە ءوزى جاۋدىڭ 37 ۇشاعىن, ال توپتىق شايقاستا 6 ۇشاقتى اتىپ ءتۇسىردى. ول اسكەرگە الماتىدان اتتانىپ, زاپاسقا شىققان سوڭ وسىندا قايتا ورالدى. سوندىقتان سەرگەي لۋگانسكيدىڭ ەسىمى بەرىلگەن اۆيابازا ونىڭ تۋعان قالاسىنىڭ اسپانىنا قورعان بولادى. مۇنىڭ سيمۆولدىق ءمانى بار. قازاقستاندا باتىرلاردىڭ ەسىمى ەشقاشان ۇمىتىلمايدى. بۇگىنگى ءىس-شارا – سونىڭ ايقىن دالەلى, – دەدى مەملەكەتتىك كەڭەسشى ەرلان قارين.
