Batyrlardyń esimi eshqashan umytylmaıdy – Erlan Qarın

Búgin Qorǵanys mınıstri Rýslan Jaqsylyqovtyń qatysýymen Qazaqstan áýe qorǵanysy kúshteriniń Taldyqorǵandaǵy avıabazasyna Keńes Odaǵynyń eki márte batyry Sergeı Lýganskııdiń atyn berýge arnalǵan saltanatty is-shara ótti

 Memlekettik keńesshi Erlan Qarın atap ótkendeı, Memleket basshysy Qasym-Jomart Toqaev Ulttyq quryltaıdyń Atyraýda ótken otyrysynda áıgili ushqyshtyń esimin jurt jadynda jańǵyrtý úshin avıabazany onyń atymen ataýdy usynǵan bolatyn.

Sergeı Lýganskıı soǵys jyldary 390 ret áýege kóterilip, jeke ózi jaýdyń 37 ushaǵyn, al toptyq shaıqasta 6 ushaqty atyp túsirdi. Ol áskerge Almatydan attanyp, zapasqa shyqqan soń osynda qaıta oraldy. Sondyqtan Sergeı Lýganskııdiń esimi berilgen avıabaza onyń týǵan qalasynyń aspanyna qorǵan bolady. Munyń sımvoldyq máni bar. Qazaqstanda batyrlardyń esimi eshqashan umytylmaıdy. Búgingi is-shara – sonyń aıqyn dáleli, – dedi Memlekettik keńesshi Erlan Qarın.