Batys Qazaqstan oblysynda aýyl ishimen júrip ótken Reseıdiń áskerı kóligi gaz qubyryn qaqqan

Foto: ashyq derekkóz

Batys Qazaqstan oblysynda Reseı shekarasynan 5 shaqyrym qashyqtyqta ornalasqan Saıqyn aýylynda kórshi eldiń áskerı tehnıkasy aýyl ishine tartylǵan gaz qubyryn qaǵyp ketken, dep habarlady Qandastar.kz kursiv.media silteme jasap.

Bókeı ordasy aýdany ákimdiginiń aqparatyna sáıkes, Reseı Federaııasy Bókeı ordasy aýmaǵynda, Saıqyn aýylynan 100 shaqyrym qashyqtyqta ornalasqan áskerı polıgondy jalǵa alyp otyr. Ol jerde Reseıdiń eki áskerı bólimi bar. Áskerıler vahtalyq rejımmen qyzmet etetindikten, eki el arasyndaǵy mámile sharttaryna sáıkes, áskerı tehnıka eldimekennen tys ótetin joldar arqyly únemi polıgonǵa kirip-shyǵady.

Basylym keltirgen málimetke sáıkes, Bókeı ordasy ákimshiligi áskerı tehnıkanyń aýyl ishinen ótý sebebin túsindiripti. Aqparatqa qaraǵanda, kún jaýyn-shashyndy bolǵandyqtan, aýyl syrtyndaǵy qara joldarmen júrý múmkin bolmaǵan. Sondyqtan áskerı tehnıka Saıqyn aýylyndaǵy asfaltpen júrip ótken.

«20 qazan kúni, áskerı tehnıkanyń 5 kóligi aýyl ishindegi asfalt jol arqyly ótti. Alaıda gabarıtti aldyn-ala eseptemegen bir kólik gaz qubyryn ilip ketti. Qubyrǵa kúrdeli zaqym kelgen joq jáne gaz qubyrdan syrtqa taraǵan joq», – dep habarlady ákimshilik

Qazir mán-jaı anyqtalyp jatyr, arnaıy tehnıkanyń júrgizýshisi jaýapqa tartylýy yqtımal. Basylymnyń jazýynsha, eki el arasyndaǵy mámilede áskerı tehnıkaǵa polıııa avtokóliginiń ilesip júrýi qarastyrylmaǵan eken.

Aıta keteıik, Saıqyn aýyly, Batys Qazaqstan oblysyndaǵy, Bókeı ordasyna qatysty Saıqyn aýyldyq okrýginiń ortalyǵy. 2021 jylǵy sanaqqa sáıkes, aýylda jalpy sany 5 myńǵa jýyq halyq turady. Aýylda birneshe mektep jáne kitaphana, ortalyqtandyrylǵan aýrýhana, dárigerlik ambýlatorııa jáne 4 feldsherlik-akýsherlik pýnkt bar.