Batys Qazaqstanda sottalyp shyqqan qylmysker 6 jasar qyzdy urlap ketip zorlady dep aıyptaldy

Foto: Instagram.com/typicaluralsk

Instagram áleýmettik jelisinde Batys Qazaqstan oblysynda buryn isti bolǵan er adamnyń 6 jasar qyzdy urlap ketip, zorlady degen aqparat tarady, dep jazdy qandastar.kz

Qaıǵyly jaǵdaı 22 tamyz kúni Tasqala aýdany, Tasqala aýylynda bolǵan. Bul týraly Stan.kz aqparat agenttigi habarlaıdy.

Typicaluralsk paraqshasynyń dereginshe, kúdikti jábirlenýshiniń otbasymen jaqyn tanys bolǵan.

“Anasy qyzymen úıine qaıtyp bara jatqan. Joldan tanysyn keziktirgen. Ol qyzǵa balmuzdaq alyp berýdi usynǵan. Eshteńeden kúdiktenbegen áıel qyzyn er adamǵa ertip jibergen. Qyz birneshe saǵat boıy oralmaǵan soń, ata-anasy dabyl qaǵyp, polıııaǵa júgingen. Balanyń kelesi kúni 23 tamyzda er adammen birge aýyl mańyndaǵy orman alqabynan tapqan. Er adam qatty mas bolǵan, janynda bótelkeler jatqan. Qyz es-tússiz kúde tabyldy. Ol shuǵyl aýrýhanaǵa jetkizildi, meıirgerler seksýaldyq zorlyq-zombylyq kórsetilgenin jáne aýyr shok alǵanyn rastady”, – dep jazdy paraqsha.

Sondaı-aq kúdiktiniń buǵan deıin urlyq jasaǵany úshin sottalyp, eki jyl buryn túrmeden shyqqany týraly aıtyldy. Qazir ol qamaýǵa alynyp, qylmystyq is qozǵaldy.

Bolǵan jaǵdaıǵa qatysty Tasqala aýyldyq okrýginiń ákimi Alǵadaı Jambyl birneshe derek aıtty.

“Qyzdyń ata-anasy úılerinde otbasylyq shara ótkizgen, qonaqtardyń arasynda kúdikti de bolǵan. Ol ata-anasynyń ruqsatymen qyzdy dúkenge tátti alyp berýge alyp ketken, biraq qaıtyp kelmegen. Tún jarymǵa qaraı ata-anasy qyzynyń joǵalyp ketkenin aıtyp, 102 nómirine habarlasqan. Kishkentaı qyzdy tún boıy qaraýsyz qalǵan úıler men jyralardan izdedi. Tek kelesi kúni tańerteń bala Elevator shaǵyn aýdanynan tabyldy. Kúdikti ustaldy”, — dedi aýyl ákimi.

Alaıda oblystyq polıııa departamentinde qyzdyń zorlyq kórdi degen aqparatty rastamady, biraq joqqa shyǵarmady. Quqyq qorǵaýshylardyń málimdeýinshe, 22 tamyz kúni saǵat 21:20-da Tasqala aýdandyq polıııa bóliminiń kezekshi bólimine aýyl turǵyny qyzynyń joǵalǵany týraly habar túsken. Aıtýynsha, bala dúkenge onyń tanysymen ketip, qaıtyp oralmaǵan.

“Dereý jedel-izdestirý sharalary uıymdastyrylyp, izdeýge polıııanyń barlyq bólimsheleri jumyldyryldy. Qabyldanǵan sharalardyń nátıjesinde 23 tamyzda 32 jastaǵy er adam ustaldy. Ol kámeletke tolmaǵan qyzdyń qaıda ekenin kórsetip berdi. Bala aman-esen aýyl shetinen tabyldy”, — dep túsindirdi vedomstvo.