جاڭالىقتار
باۋىرجان يسلامحان «استانا» كلۋبىنىڭ ويىنشىسى اتاندى
قازاقستاندىق جارتىلاي قورعاۋشى باۋىرجان يسلامحان «استانا» كلۋبىمەن كەلىسىمشارتقا قول قويدى. بۇل تۋرالى كلۋبتىڭ ءباسپاسوز قىزمەتى مالىمدەدى. بەلگىلى بولعانداي, فۋتبولشىمەن كەلىسىمشارت وسى جىلدىڭ سوڭىنا دەيىن جاسالعان, دەپ جازادى turkystan.kz 1bol.kz-كە سىلتەمە جاساپ.
«قازىرگى تاڭدا باۋىرجان ءوز بابىنان ءالى الىستا ەكەنىن جاقسى ءتۇسىنىپ وتىرمىز. جاراقاتىنان كەيىن ول بۇرىنعى قالپىنا كەلۋى ءۇشىن ۋاقىت قاجەت. مۇنداي جاعدايدان ەشكىم ساقتاندىرىلماعان. سوندىقتان يسلامحاننىڭ ۇلتتىق قۇراما مەن وتاندىق فۋتبولداعى ەڭبەگىن ەسكەرە وتىرىپ, كلۋب ونىڭ تولىق قالپىنا كەلۋىنە كومەكتەسۋدى قۇپ كوردى. ءبىز وعان ۋاقىت كەرەك ەكەنىن تۇسىنەمىز.
قازىر ول ءبىزدىڭ ماقساتتارىمىزدى ورىنداۋعا تىكەلەي كومەكتەسە المايدى. سوعان قاراماستان, ونىڭ جوعارى دەڭگەيدەگى فۋتبولشى ەكەنىنە ەش كۇمانىمىز جوق. «استانا» وعان قايتا قالپىنا كەلۋگە, بۇرىنعى بابىنا ەنىپ, قازاقستاندىق جانكۇيەرلەردى ويىنىمەن قايتا قۋانتۋعا مۇمكىندىك بەرۋگە دايىن», – دەدى «استانا» كلۋبىنىڭ باسشىسى سايان حاميتجانوۆ.
