Baýyrjan Islamhan «Astana» klýbynyń oıynshysy atandy

Qazaqstandyq jartylaı qorǵaýshy Baýyrjan Islamhan «Astana» klýbymen kelisimshartqa qol qoıdy. Bul týraly klýbtyń baspasóz qyzmeti málimdedi. Belgili bolǵandaı, fýtbolshymen kelisimshart osy jyldyń sońyna deıin jasalǵan, dep jazady turkystan.kz 1bol.kz-ke silteme jasap.

«Qazirgi tańda Baýyrjan óz babynan áli alysta ekenin jaqsy túsinip otyrmyz. Jaraqatynan keıin ol burynǵy qalpyna kelýi úshin ýaqyt qajet. Mundaı jaǵdaıdan eshkim saqtandyrylmaǵan. Sondyqtan Islamhannyń ulttyq qurama men otandyq fýtboldaǵy eńbegin eskere otyryp, klýb onyń tolyq qalpyna kelýine kómektesýdi qup kórdi. Biz oǵan ýaqyt kerek ekenin túsinemiz.

Qazir ol bizdiń maqsattarymyzdy oryndaýǵa tikeleı kómektese almaıdy. Soǵan qaramastan, onyń joǵary deńgeıdegi fýtbolshy ekenine esh kúmánimiz joq. «Astana» oǵan qaıta qalpyna kelýge, burynǵy babyna enip, qazaqstandyq jankúıerlerdi oıynymen qaıta qýantýǵa múmkindik berýge daıyn», – dedi «Astana» klýbynyń basshysy Saıan Hamıtjanov.