«باۋىرجان مومىش ۇلى اسەر ەتتى»: قازاقستاندىق ءانشى تەگىنە قاتىستى وقيعامەن ءبولىستى

بەلگىلى حيتمەن, مۋزىكانت يلحان يحسان تەگىنە قاتىستى سۇراققا جاۋاپ بەردى. ونەر يەسى AIQAP پودكاستىندا ءوزىنىڭ تەگىندەگى «-وۆ» جالعاۋىنان قالاي باس تارتقانىنىن ءبولىستى, دەپ حابارلايدى Qandastar.kz

«تۋ تۋرالى كۋالىگىمدە «يحسانوۆ» دەپ جازىلعان. جەكە كۋالىك الار كەزدە فاميليامنان «-وۆ»-تى, اكەمنىڭ اتىنان -ءۆيچتى الىپ تاستادىم. ونىڭ ورنىنا «اياپبەرگەن ۇلى» دەگەندى جازدىردىم. بۇل قادامعا باۋىرجان مومىش ۇلىنىڭ وقيعاسى اسەر ەتتى. ول كىسى ماراپاتتاۋعا «مومىشەۆ» دەپ شاقىرعاندا, «مەن مومىشەۆ ەمەسپىن, مومىش ۇلى دەپ شاقىرساڭدار عانا شىعامىن» دەپ شىقپاي قويعانى بار عوي. سول ءسوزى ماعان دا اسەر ەتتى. ودان كەيىن سىنىپتاستارىم دا تەگىندەگى “وۆ»-تى الىپ تاستادى, – دەدى يلحان.

ودان كەيىن, يلحان شىققان تەگىندە ونەرگە جاقىن ادامداردىڭ كوپ بولعانىن دا ايتتى.

“مەنىڭ اتالارىمنىڭ ءبارى ونەرلى بولىپتى. بەسىنشى اتام قۇرمانعازىنىڭ قاسىندا ءجۇرىپ, شاكىرتى بولعان. ورال جاقتىڭ تۋماسى بولعاسىن ءان-كۇيگە ءبىر قادام جاقىن. جەتپىس يساتاي ۇلى – قۇرمانعازىنىڭ كۇيلەرىن كوپشىلىككە تاراتقان ادام. ءوز اتام مۇقانوۆ يحسان دا اكە جولىن قۋعان دومبىراشى. مەن ەس بىلگەلى كۇي تىڭداپ كەلەمىن. كوزىمدى اشقالى “اداي” كۇيىن بىلەمىن”, – دەدى ءانشى.