بايان الاگوزوۆا «التىن حانىم» سايىسىنىڭ جەڭىمپازىن جاريالادى

پروديۋسەر بايان الاگوزوۆا بيىل مىڭداعان قازاقستاندىقتاردىڭ نازارىن اۋدارعان «التىن حانىم» بايقاۋىنىڭ جەڭىمپازىن جاريالادى, دەپ حابارلايدى Qandastar.kz اقپاراتتىق پورتالى.

باس جۇلدەنى اقتوبەدەن كەلگەن كاسىپكەر سامال اسانوۆا يەلەندى. ول ەشتەڭەدەن باستاسا دا, بۇگىندە 50 دۇكەن اشىپ, 600-دەن استام قازاقستاندىقتى جۇمىسپەن قامتاماسىز ەتكەن.

«بۇگىن 35 مىڭ ادام داۋىس بەردى, سونىڭ ىشىندە 10 مىڭنان استامى سامالعا داۋىس بەردى… سىزدە ۇلكەن جانكۇيەرلەر مەن تابىنۋشىلار ارمياسى بار», – دەدى بايان الاگوزوۆا.

بەلگىلى جۋرناليست جانە بايقاۋ جۇرگىزۋشىسى دينارا ساتجاننىڭ ايتۋىنشا, «التىن حانىم» – بۇل سۇلۋلىق پەن جەتىستىككە ارنالعان بايقاۋ عانا ەمەس, بۇكىل ەلدىڭ ايەلدەرىن شابىتتاندىراتىن اۋقىمدى الەۋمەتتىك جوبا.

«26 قاتىسۋشى. 26 تاعدىر. 26 موتيۆاتسيالىق وقيعا», – دەپ جازدى ول الەۋمەتتىك جەلىدەگى پاراقشاسىندا.

جەڭىمپازدىڭ ەسىمى جاريالانعاننان كەيىن الەۋمەتتىك جەلىلەردە قىزۋ تالقى باستالدى. پايدالانۋشىلاردىڭ پىكىرى ەكىگە ءبولىندى: ءبىرى سامالدىڭ ءومىر جولىنا تاڭدانىپ, شابىتپەن داۋىس بەرسە, ەندى ءبىرى داۋىس بەرۋ پروتسەسىنىڭ اشىقتىعىنا كۇمان كەلتىردى. كەيبىرەۋلەر سامالدىڭ – تانىمال تۇلعا ەكەنىن, وعان بەلگىلى بلوگەرلەر مەن ارتىستەردىڭ قولداۋى كوپ بولعانىن اتاپ ءوتتى.