Baıan Alagózova «Altyn hanym» saıysynyń jeńimpazyn jarııalady

Prodıýser Baıan Alagózova bıyl myńdaǵan qazaqstandyqtardyń nazaryn aýdarǵan «Altyn hanym» baıqaýynyń jeńimpazyn jarııalady, dep habarlaıdy Qandastar.kz aqparattyq portaly.

Bas júldeni Aqtóbeden kelgen kásipker Samal Asanova ıelendi. Ol eshteńeden bastasa da, búginde 50 dúken ashyp, 600-den astam qazaqstandyqty jumyspen qamtamasyz etken.

«Búgin 35 myń adam daýys berdi, sonyń ishinde 10 myńnan astamy Samalǵa daýys berdi… Sizde úlken jankúıerler men tabynýshylar armııasy bar», – dedi Baıan Alagózova.

Belgili jýrnalıst jáne baıqaý júrgizýshisi Dınara Satjannyń aıtýynsha, «Altyn hanym» – bul sulýlyq pen jetistikke arnalǵan baıqaý ǵana emes, búkil eldiń áıelderin shabyttandyratyn aýqymdy áleýmettik joba.

«26 qatysýshy. 26 taǵdyr. 26 motıvaııalyq oqıǵa», – dep jazdy ol áleýmettik jelidegi paraqshasynda.

Jeńimpazdyń esimi jarııalanǵannan keıin áleýmettik jelilerde qyzý talqy bastaldy. Paıdalanýshylardyń pikiri ekige bólindi: biri Samaldyń ómir jolyna tańdanyp, shabytpen daýys berse, endi biri daýys berý proesiniń ashyqtyǵyna kúmán keltirdi. Keıbireýler Samaldyń – tanymal tulǵa ekenin, oǵan belgili blogerler men ártisterdiń qoldaýy kóp bolǵanyn atap ótti.