Baıan Alagózova Qazaqstanda qate dıagnozben emdelgenin aıtty

Prodıýser Baıan Alagózova Qazaqstanda qate dıagnozben emdelgenin aıtty, dep habarlaıdy qandastar.kz aqparat portaly.

Shoý-bıznes ókili tipti qysta nelikten jyly jaqqa qonys aýdaratynyn jasyrmady.

“25 jyldan beri qys mezgilinde aýrýhanaǵa jatamyn. Bul sumdyq emes pe?! Otandyq dárigerler sozylmaly bronhıt degen dıagnoz qoıǵan. 25 jyldan beri kúresip kelemin. Al pnevmonııa bolyp aýrǵannan keıin eki jyl densaýlyǵym qalypqa kelmedi. Sondyqtan qys kelgende qatty qorqamyn. Eýropalyq dárigerlerdiń nátıjesi meni tańǵaldyrdy. Olar meniń dıagnozym “sozylmaly bronhıt emes” dedi. Al men jyl boıy sol dıagnozǵa taǵaıyndalǵan dárilermen emdeldim. Meniń dıagnozym – allergııa eken. Maǵan salqyn aýa jaqpaıdy. Sol úshin men qysta jyly jaqtarǵa ketemin. Sheteldik dárigerler de muhıt pen teńizi bar elderge barýǵa keńes berdi”, – dedi Baıan Maqsatqyzy.