جاڭالىقتارمادەنيەت
بايان الاگوزوۆا شوۋ-بيزنەستە وتكەن جولىن ەسكە الدى
فوتو: ينستاگرام
قازاقستاندىق پروديۋسەر بايان الاگوزوۆا الەۋمەتتىك جەلىدەگى پاراقشاسىندا شوۋ-بيزنەسكە كەلگەن ساتىنەن باستاپ وتكەن جولىن ەسكە الىپ, اسەرلى جازبا جاريالادى, دەپ حابارلايدى qandastar.kz اقپارات پورتالى.
الاگوزوۆا ءتۇرلى كەزەڭدەردەن قۇرالعان قىسقا ۆيدەوكليپ جاريالاپ, مانسابىنىڭ العاشقى قادامدارىن ەسكە ءتۇسىردى. بەينەجازبادا ونىڭ تەلەۆيزياداعى جانە كينو سالاسىنداعى جوبالارعا قاتىسقان ساتتەرى كورسەتىلگەن.
پروديۋسەر بۇل جازباسىن: «جارقىن ءومىردى قالايسىز با? قولعا بوياۋ الىڭىز! مەنىڭ قولىمدا قاشان دا قىلقالام بار… تاعدىر – مىنەز!» دەپ قىسقاشا سيپاتتادى.
الاگوزوۆانىڭ وقىرماندارى ونىڭ ەڭبەگىنە ءتانتى بولىپ, جىلى لەبىزدەرىن قالدىردى: «اڭىزعا اينالعان ايەل!», «ءبىزدىڭ جالعىز حانشايىمىمىز!», «بايان – كەرەمەت!» دەپ جازدى قولدانۋشىلار.
