Baıan Alagózova shoý-bızneste ótken jolyn eske aldy

Foto: ınstagram

Qazaqstandyq prodıýser Baıan Alagózova áleýmettik jelidegi paraqshasynda shoý-bızneske kelgen sátinen bastap ótken jolyn eske alyp, áserli jazba jarııalady, dep habarlaıdy qandastar.kz aqparat portaly.

Alagózova túrli kezeńderden quralǵan qysqa vıdeoklıp jarııalap, mansabynyń alǵashqy qadamdaryn eske túsirdi. Beınejazbada onyń televızııadaǵy jáne kıno salasyndaǵy jobalarǵa qatysqan sátteri kórsetilgen.

Prodıýser bul jazbasyn: «Jarqyn ómirdi qalaısyz ba? Qolǵa boıaý alyńyz! Meniń qolymda qashan da qylqalam bar… Taǵdyr – minez!» dep qysqasha sıpattady.

Alagózovanyń oqyrmandary onyń eńbegine tánti bolyp, jyly lebizderin qaldyrdy: «Ańyzǵa aınalǵan áıel!», «Bizdiń jalǵyz hanshaıymymyz!»,  «Baıan – keremet!» dep jazdy qoldanýshylar.