بايان ماقساتقىزى تالعات تەمەنوۆتەن كەشىرىم سۇرادى

بەلگىلى پروديۋسەر بايان ماقساتقىزى تەاتر جانە كينو رەجيسسەرى تالعات تەمەنوۆتەن كەشىرىم سۇرادى. ول ءبىر كەزدەرى وعان قاتىگەزدىك تانىتقان, دەپ حابارلايدى KYN.KZ اقپارات اگەنتتىگى.

پروديۋسەر ءوزىن بۇكىل قازاقستانعا ءبىر كۇندە تانىتقان ادام – تالعات تەمەنوۆ ەكەنىن مويىندادى. بۇل تۋرالى دينا تولەپبەرگەنگە بەرگەن سۇحباتىندا ايتتى.

“مەن تالعات تەمەنوۆتەن كەشىرىم سۇراعىم كەلەدى. ول كىشكەنتاي ورال قالاسىنان شىققان باياندى ءبىر كۇندە بۇكىل قازاقستانعا تانىمال جۇلدىزعا اينالدىرعان ادام. مەن “ماحاببات ستانتسياسى” فيلمىنە ءتۇسىپ, بىردەن قازاقستانداعى ەڭ تانىمال قىزعا اينالدىم. سودان ءبىزدىڭ ارامىزدا تۇسىنبەۋشىلىك پايدا بولدى. ول ەكىنشى فيلم ءتۇسىرۋى كەرەك ەدى. سول كەزدە “مەن كينوعا ەندى تۇسكىم كەلمەيدى. ماعان ونسىز دا ءبارى ۇنايدى. ءسىز ماعان ەندى كەرەك ەمەسسىز”, دەپ ايتتىم. ال نەگىزىندە ول مەنىڭ العاشقى ۇستازىم. ول ماعان كوپ نارسە ۇيرەتتى. وسى مۇمكىندىكتى پايدالانىپ, تالعات تەمەنوۆتەن كەشىرىم سۇراعىم كەلەدى. سول كەزدە قاتىگەزدىك تانىتقانىم ءۇشىن كەشىرىم سۇرايمىن”, – دەدى پروديۋسەر.