Baıan Maqsatqyzy Talǵat Temenovten keshirim surady

Belgili prodıýser Baıan Maqsatqyzy teatr jáne kıno rejısseri Talǵat Temenovten keshirim surady. Ol bir kezderi oǵan qatygezdik tanytqan, dep habarlaıdy KYN.KZ aqparat agenttigi.

Prodıýser ózin búkil Qazaqstanǵa bir kúnde tanytqan adam – Talǵat Temenov ekenin moıyndady. Bul týraly Dına Tólepbergenge bergen suhbatynda aıtty.

“Men Talǵat Temenovten keshirim suraǵym keledi. Ol kishkentaı Oral qalasynan shyqqan Baıandy bir kúnde búkil Qazaqstanǵa tanymal juldyzǵa aınaldyrǵan adam. Men “Mahabbat stanııasy” fılmine túsip, birden Qazaqstandaǵy eń tanymal qyzǵa aınaldym. Sodan bizdiń aramyzda túsinbeýshilik paıda boldy. Ol ekinshi fılm túsirýi kerek edi. Sol kezde “Men kınoǵa endi túskim kelmeıdi. Maǵan onsyz da bári unaıdy. Siz maǵan endi kerek emessiz”, dep aıttym. Al negizinde ol meniń alǵashqy ustazym. Ol maǵan kóp nárse úıretti. Osy múmkindikti paıdalanyp, Talǵat Temenovten keshirim suraǵym keledi. Sol kezde qatygezdik tanytqanym úshin keshirim suraımyn”, – dedi prodıýser.