قارجى جانە تولەمدەر
بازەل رەيتينگى: قازاقستان اقشا جىلىستاتۋدان الدا ما?
فوتو: Halyq Uni
قازاقستان جىلىستاتۋعا قارسى سالانىڭ تاۋەلسىز رەيتينگىندە ءوز پوزيتسياسىن ەداۋىر جاقسارتىپ, 110 ەلدى ارتتا قالدىردى, دەپ جازدى qandastar.kz
بازەل باسقارۋ ينستيتۋتى جىل سايىنعى «Basel AML Index» رەيتينگىن جاريالادى.
اقشانى جىلىستاتۋعا جانە تەرروريزمدى قارجىلاندىرۋعا قارسى ءىس-قيمىل سالاسىنداعى ەڭ بەدەلدى دەرەككوزدىڭ قۇجاتىنا سايكەس قازاقستان رەسپۋبليكاسى 4,65 باللمەن 111-ءشى ورىندا تۇراقتادى.
اج/تقق تاۋەكەلى 10 بالدىق شكالا بويىنشا باعالانادى (مۇندا 10 – ەڭ جوعارى تاۋەكەل, 0 – ەڭ تومەنگى تاۋەكەل).
ەسكە سالا كەتەيىك, 2023 جىلى قازاقستان 4,71 باللمەن 100-ءشى ورىندا بولعان.
وسىلايشا, ەل 2012 جىلدان بەرى جاريالانعان رەيتينگ تاريحىنداعى ەڭ جاقسى ناتيجەسىن جاڭارتتى. تەك سوڭعى 4 جىلدا رەيتينگتە 2020 جىلعى 73 ورىننان اعىمداعى جىلى 111 ورىنعا دەيىن ۇلكەن سەرپىلىس جاسالدى.
قازاقستان اقش, جاپونيا, سينگاپۋر, قىتاي, كاتار, يتاليا, ۆەنگريا جانە تۇركيا سياقتى ەلدەردى ارتتا قالدىردى.
ەڭ از تاۋەكەلگە ۇشىراعان 5 ەلدىڭ قاتارىنا سان-مارينو, يسلانديا, فينليانديا, ەستونيا, اندوررا, شۆەتسيا كىردى.
2024 جىلى يندەكس (قوعامدىق نۇسقا بويىنشا) 164 ەلدى باعالادى جانە اقشانى جىلىستاتۋ مەن تەرروريزمدى قارجىلاندىرۋدىڭ (اج/تقق) جوعارى تاۋەكەلدەرىنە ىقپال ەتەتىن ءارتۇرلى فاكتورلاردى ولشەيتىن 5 سالاداعى 17 كورسەتكىشكە نەگىزدەلگەن.
سونىمەن قاتار, رەيتينگ ادىستەمەسىنە الاياقتىقتىڭ اقشانى جىلىستاتۋعا بايلانىستى پرەديكاتتىق قىلمىس رەتىندە ءوسىپ كەلە جاتقان تاۋەكەلدەرىن كورسەتەتىن وزگەرىستەر ەنگىزىلدى.
ايتا كەتەيىك, قازاقستاننىڭ پوزيتسياسىن جاقسارتۋعا ەلدىڭ اج/تقق قارسى ءىس-قيمىل جۇيەسىنىڭ بارلىق قاتىسۋشىلارىنىڭ ءتيىمدى جانە ۇيلەسىمدى جۇمىسىنىڭ ارقاسىندا قول جەتكىزىلدى.
قما FATF حالىقارالىق ستاندارتتارىنا سايكەس كەلۋ ءۇشىن ۇلتتىق «جىلىستاتۋ» جۇيەسىن نىعايتۋ جۇمىسىن جالعاستىرۋدا.
انىقتاما: «Basel اnti-Money Laundering Index» يندەكسى 2012 جىلدان باستاپ شىعارىلادى جانە بۇۇ-نىڭ قىلمىستىڭ الدىن الۋ جانە قىلمىستىق سوت تورەلىگى سالاسىنداعى باعدارلاماسىنىڭ قولداۋىمەن جۇمىس ىستەيدى.
زەرتتەۋ ناتيجەلەرىن حالىقارالىق, مەملەكەتتىك, قارجىلىق جانە كوممەرتسيالىق مەكەمەلەر ەلدىك تاۋەكەلدەردى باعالاۋ ءۇشىن تاۋەلسىز سالىستىرمالى تالداۋ قۇرالى رەتىندە پايدالانادى.
