«بەدەۋلىك پەن قاتەرلى ىسىكتى تۋدىرادى»: قىتايلىق ماركەتپلەيستەردىڭ كيىمدەرىنەن ۋلى زاتتار تابىلدى

فوتو: اشىق دەرەككوز

قىتايدىڭ AliExpress, Temu جانە Shein ينتەرنەت-پلاتفورمالارىندا ساتىلاتىن باس كيىمدەر مەن اياق كيىمدەردەن ۋلى زات تابىلدى. بۇل تۋرالى Stan.kz اقپارات اگەنتتىگى Yonhap News Agency سايتىنا سىلتەمە جاساپ حابارلايدى.

12 شىلدە-9 تامىزدا سەۋل بيلىگى قىتايدىڭ ءۇش بازارىنان 144 تاۋاردى تەكسەردى. ونىڭ ىشىندە 94 ازىق-ت ۇلىك قاپتاماسى, 13 كوسمەتيكا, 28 اياق كيىم مەن باس كيىمدەر جانە 9 گيگيەنالىق قۇرال بولدى.

ناتيجەسىندە ەكى جۇپ ءسانداليدىڭ قۇرامىندا 167,5 جانە 229,2 ەسە جوعارى فتالات پلاستيفيكاتور انىقتالعان. فتالات پلاستيفيكاتورلار قاتەرلى ىسىك پەن بەدەۋلىكتى تۋدىرۋى مۇمكىن.

سونداي-اق اياق كيىمدەگى نيكەل مولشەرى دە رۇقسات ەتىلگەن دەڭگەيدەن 2-9 ەسە اسىپ ءتۇستى. بۇل دەرماتيت تۋدىرۋى مۇمكىن.

ءۇش باس كيىمدە فورمالدەگيد مولشەرى 2 ەسە جوعارى, ال قىشقىلدىق يندەكسى 9,3 بولعان. ەكى اليۋميني بانكاداعى نيكەل مولشەرى رۇقسات ەتىلگەن شەكتەن 2 ەسە اسىپ ءتۇستى. تىرناق لاگىندە قالىپتى دەڭگەيدەن 3,6 ەسە جوعارى ديوكسان مولشەرى بار. مەتانول رۇقسات ەتىلگەن ماننەن 1,4 ەسە ارتىق بولدى.

سەۋل بيلىگى قىتايلىق ونلاين پلاتفورمالاردان وسى 11 ءونىمدى ساتۋدى توقتاتۋدى تالاپ ەتتى. ولار اياق كيىم مەن باس كيىم ساتىپ الاردا ساق بولۋعا كەڭەس بەردى.