«Bedeýlik pen qaterli isikti týdyrady»: Qytaılyq marketpleısterdiń kıimderinen ýly zattar tabyldy

Foto: ashyq derekkóz

Qytaıdyń AliExpress, Temu jáne Shein ınternet-platformalarynda satylatyn bas kıimder men aıaq kıimderden ýly zat tabyldy. Bul týraly Stan.kz aqparat agenttigi Yonhap News Agency saıtyna silteme jasap habarlaıdy.

12 shilde-9 tamyzda Seýl bıligi Qytaıdyń úsh bazarynan 144 taýardy tekserdi. Onyń ishinde 94 azyq-túlik qaptamasy, 13 kosmetıka, 28 aıaq kıim men bas kıimder jáne 9 gıgıenalyq qural boldy.

Nátıjesinde eki jup sandalıdiń quramynda 167,5 jáne 229,2 ese joǵary ftalat plastıfıkator anyqtalǵan. Ftalat plastıfıkatorlar qaterli isik pen bedeýlikti týdyrýy múmkin.

Sondaı-aq aıaq kıimdegi nıkel mólsheri de ruqsat etilgen deńgeıden 2-9 ese asyp tústi. Bul dermatıt týdyrýy múmkin.

Úsh bas kıimde formaldegıd mólsheri 2 ese joǵary, al qyshqyldyq ındeksi 9,3 bolǵan. Eki alıýmınıı bankadaǵy nıkel mólsheri ruqsat etilgen shekten 2 ese asyp tústi. Tyrnaq laginde qalypty deńgeıden 3,6 ese joǵary dıoksan mólsheri bar. Metanol ruqsat etilgen mánnen 1,4 ese artyq boldy.

Seýl bıligi qytaılyq onlaın platformalardan osy 11 ónimdi satýdy toqtatýdy talap etti. Olar aıaq kıim men bas kıim satyp alarda saq bolýǵa keńes berdi.