Beeline وپەراتورىنىڭ تاريف باعاسىن قولدان وسىرگەنى انىقتالدى

فوتو:رۋسلان پريانيكوۆ
https://kapital.kz/world/124316/veon-nameren-prodat-dolyu-v-beeline-kyrgyzstan.html

Beeline وپەراتورى تۇتىنۋشىلاردىڭ زاڭدى قۇقىقتارىن شەكتەگەن. بۇل تۋرالى باسەكەلەستىكتى قورعاۋ جانە دامىتۋ اگەنتتىگىنىڭ استانا قالاسى بويىنشا دەپارتامەنتى ءمالىم ەتتى, دەپ جازدى qandastar.kz

تالداۋ ناتيجەلەرى كورسەتكەندەي, «كار-تەل» جشس (Beeline) تۇتىنۋشىلارعا قولدانىستاعى تاريفتىك جوسپارلاردا ءۇي ينتەرنەتىنىڭ جىلدامدىعىن تاڭداۋ مۇمكىندىگىن شەكتەپ, 100 مبيت/س-تان جوعارى جىلدامدىقتاعى ينتەرنەتتى ۇسىنعان. بۇل ءوز كەزەگىندە باعالاردىڭ جاساندى تۇردە قىمباتتاۋىنا جانە بەلگىسىز تۇتىنۋشىلار توبىنىڭ قۇقىقتارىنىڭ بۇزىلۋىنا الىپ كەلدى.

«Beeline كومپانياسىنىڭ رەسمي سايتىندا جاريالانعان اقپاراتقا سايكەس, 300 مبيت/س-قا دەيىنگى ينتەرنەت جىلدامدىعى تەك GPON تەحنولوگياسى بار ۇيلەردە عانا قولجەتىمدى. ال باسقا ۇيلەردە ماكسيمالدى جىلدامدىق 100 مبيت/س-تى قۇرايدى, بىراق تاريفتىك جوسپارلاردىڭ باعاسى بارلىق ابونەنت ءۇشىن بىردەي, وزگەرىسسىز قالادى دەلىنگەن. 2024 جىلعى 19 قاراشادا دەپارتامەنت Beeline كومپانياسىنا باسەكەلەستىكتى قورعاۋ سالاسىنداعى زاڭناما تالاپتارىن بۇزۋدى جويۋ جونىندە حابارلاما جىبەردى», — دەپ حابارلادى باسەكەلەستىكتى قورعاۋ جانە دامىتۋ اگەنتتىگى.

كومپانياعا تۇتىنۋشىلاردىڭ تاريفتىك جوسپاردى تاڭداۋ قۇقىعىن قامتاماسىز ەتۋ بويىنشا شارالار قابىلداۋ تاپسىرىلدى:

• ەگەر تۇتىنۋشى جوعارى جىلدامدىقتاعى ينتەرنەتتى پايدالانعىسى كەلمەسە, جىلدامدىعى 100 مبيت/س-تان اسپايتىن ينتەرنەتپەن قامتاماسىز ەتۋ;
• قوسىمشا اقىلى قىزمەتتەرسىز جىلدامدىعى 100 س/مبيت-تان اسپايتىن ينتەرنەتكە قوسىلۋ.

اگەنتتىكتىڭ حابارلاۋىنشا, بۇگىندە ءتيىستى حابارلاما تولىق كولەمدە ورىندالعان. 15 قاڭتاردان باستاپ تۇتىنۋشىلارعا 100 مبيت/س-قا دەيىنگى تاريفتىك جوسپارلار ۇسىنىلا باستادى, ولاردىڭ باعاسى 500 تەڭگەگە ارزاندادى.