Beeline operatorynyń tarıf baǵasyn qoldan ósirgeni anyqtaldy

Foto:Rýslan Prıanıkov
https://kapital.kz/world/124316/veon-nameren-prodat-dolyu-v-beeline-kyrgyzstan.html

Beeline operatory tutynýshylardyń zańdy quqyqtaryn shektegen. Bul týraly Básekelestikti qorǵaý jáne damytý agenttiginiń Astana qalasy boıynsha departamenti málim etti, dep jazdy qandastar.kz

Taldaý nátıjeleri kórsetkendeı, «KaR-Tel» JShS (Beeline) tutynýshylarǵa qoldanystaǵy tarıftik josparlarda úı ınternetiniń jyldamdyǵyn tańdaý múmkindigin shektep, 100 Mbıt/s-tan joǵary jyldamdyqtaǵy ınternetti usynǵan. Bul óz kezeginde baǵalardyń jasandy túrde qymbattaýyna jáne belgisiz tutynýshylar tobynyń quqyqtarynyń buzylýyna alyp keldi.

«Beeline kompanııasynyń resmı saıtynda jarııalanǵan aqparatqa sáıkes, 300 Mbıt/s-qa deıingi ınternet jyldamdyǵy tek GPON tehnologııasy bar úılerde ǵana qoljetimdi. Al basqa úılerde maksımaldy jyldamdyq 100 Mbıt/s-ty quraıdy, biraq tarıftik josparlardyń baǵasy barlyq abonent úshin birdeı, ózgerissiz qalady delingen. 2024 jylǵy 19 qarashada departament Beeline kompanııasyna básekelestikti qorǵaý salasyndaǵy zańnama talaptaryn buzýdy joıý jóninde habarlama jiberdi», — dep habarlady Básekelestikti qorǵaý jáne damytý agenttigi.

Kompanııaǵa tutynýshylardyń tarıftik jospardy tańdaý quqyǵyn qamtamasyz etý boıynsha sharalar qabyldaý tapsyryldy:

• eger tutynýshy joǵary jyldamdyqtaǵy ınternetti paıdalanǵysy kelmese, jyldamdyǵy 100 Mbıt/s-tan aspaıtyn ınternetpen qamtamasyz etý;
• qosymsha aqyly qyzmettersiz jyldamdyǵy 100 s/Mbıt-tan aspaıtyn ınternetke qosylý.

Agenttiktiń habarlaýynsha, búginde tıisti habarlama tolyq kólemde oryndalǵan. 15 qańtardan bastap tutynýshylarǵa 100 Mbıt/s-qa deıingi tarıftik josparlar usynyla bastady, olardyń baǵasy 500 teńgege arzandady.