Beeline, Tele2 jáne Kcell-di qaýipsizdik sertıfıkaty úshin sotqa berdi

Zańgerler Beeline, Tele2/Altel jáne Kcell operatorlaryn sotqa bermek, dep habarlaıdy Stan.kz aqparat agenttigi Tengrinews.kz saıtyna silteme jasap.

Olar qazaqstandyq tórt operatorlarynan qaýipsizdik sertıfıkatyn ornatý týraly damylsyz kelgen SMS-ten keıin osyndaı sheshimge kelipti.

«Biz osy máseleni anyqtaý úshin sotqa júginýge sheshtik. Qaýipsizdik sertıfıkatyn ornatpaǵanymyz úshin ınternetti ajyratýyna tyıym salamyz», – deıdi zańger Stanıslav Lopatın.

Onyń aıtýynsha, sot Nur-Sultan, Almaty, Qaraǵandy qalalarynda ótedi. Sondaı-aq, «Qazaqtelekomnan» sertıfıkat týraly habarlama túspegendikten ony sotqa bermeıtinin jetkizdi.

Altel jáne Tele2 PR kompanııasynyń dırektory Oljas Bıbanov zańgerdiń bul is-áreketine qatysty jaýap berdi. Ol bul suraq boınysha, eshkimnen shaǵym túspegenin aıtty.

«Olar tikeleı bizge baılanysqa shyqpady, birden sotqa júgingen. Mundaı shaǵym popýlıstik sıpatqa keledi. Zańgerler ózin kópshilikke tanytý maqsatynda osyndaı nárselerdi qoldanatyn sııaqty», – deıdi Bıbanov.

Mobıldik operatorlardyń jetekshisi qaýipsizdik sertıfıkatyn ornatýdy abonentterge habarlaý, memlekettik organdarǵa tıesili ekenin atap ótti. Ol bul máseleni zańgermen sotta sheshetinderin málimdedi.

«Osy arqyly tanylýǵa umtylǵan eken, onda haıp jasaı alady», – deıdi Bıbanov.