جاڭالىقتار
Bek Air ۇشاعى اپاتىن تەرگەگەن پروكۋرورلارعا قاتىستى تىڭ دەرەك شىقتى
فوتو: sputniknews.kz
Bek Air ۇشاعى اپاتىن تەرگەگەن پروكۋرورلاردىڭ بىلىكسىزدىگى انىقتالدى, دەپ حابارلايدى qandastar.kz sn.kz-كە سىلتەمە جاساپ.
«رەسپۋبليكانىڭ كولىك ينفراقۇرىلىمىنىڭ ەكىنشى پروبلەماسى — بىلىكتى مامانداردىڭ تاپشىلىعى بولىپ قالا بەرەدى. مىسالى, كولىك مينيسترلىگىنىڭ اۆياتسيالىق وقيعالاردى تەرگەۋ باسقارماسى قىزمەتكەرلەرىنىڭ كاسىبي دەڭگەيىنىڭ السىزدىگىنە بايلانىستى 2019 جىلى بەكەير اۆياكومپانياسىنىڭ ۇشاعىنىڭ اپاتقا ۇشىراۋىن تەرگەۋ 5 جىلدان استام ۋاقىتقا سوزىلدى. تەرگەۋ باسقارماسىنداعى 6 تەرگەۋشىنىڭ بىرەۋى عانا جەتكىلىكتى تاجىريبەگە يە بولدى. بىلىكتى كادرلاردىڭ تاپشىلىعىن قازاقستاننىڭ اۆياتسيالىق اكىمشىلىگى دە باستان وتكەرگەن.
پروكۋراتۋرانىڭ بىرقاتار ۇسىنۋلارىنان كەيىن كولىك مينيسترلىگى 2024 جىلى ءوز قىزمەتكەرلەرى ءۇشىن بىلىكتىلىكتى ارتتىرۋ جانە تاعىلىمداما كۋرستارىن شەتەلدە دە ۇيىمداستىردى, تەرگەۋشىلەر شتاتىن قۇرۋعا كادرلىق ءتاسىل قايتا قارالدى. بۇل بەلگىلى ءبىر دارەجەدە اقتاۋ قالاسى ماڭىنداعى ءازىربايجان اۆياكومپانياسىنىڭ سوڭعى اپاتىن تەرگەۋدىڭ ساپاسى مەن دەڭگەيىنە وڭ اسەرىن تيگىزدى.
شىن مانىندە, بەكەير كومپانياسىنىڭ ۇشاعى ۇشۋ الدىنداعى دايىندىققا بايلانىستى ەمەس تەحنيكالىق رەگلامەنتتەرمەن رەتتەلەتىن جاعدايدىڭ تۇتقىنى بولدى. بۇل رەتتە كولىك مينيسترلىگىنىڭ وسى سالادا نورماتيۆتىك-قۇقىقتىق اكتىلەردى قابىلداۋعا زاڭنامالىق مۇمكىندىگى بولعان جوق», — دەلىنگەن باس كولىك پروكۋراتۋراسىنىڭ حابارلاماسىندا.
