جاڭالىقتار
بەكبولات تىلەۋحان ءبىر تويدا ءان ايتىپ 15 جىلقى, 1 تۇيە جانە 1 كولىك ءمىندى
فوتو: turkystan.kz
مۇحامەدجان تازابەكتىڭ قىزىنىڭ ۇزاتۋ تويىندا جىر ايتقان بەكبولات تىلەۋحان قوناقتاردىڭ ىقىلاسىنا بولەندى, دەپ حابارلادى qandastar.kz
turkystan.kz جازعانداي, جىر ايتىپ تۇرعان بەكبولات تىلەۋحاننىڭ ۆيدەوسىن تانىمال پروديۋسەر ايساۋلە ءابىلدا الەۋمەتتىك جەلىدەگى پاراقشاسىندا جاريالادى. سول كەشتە بەكبولات جىراۋ 15 جىلقى, 1 تۇيە جانە 1 تەمىر تۇلپار يەلەنگەن.
«اتاقتى جىراۋ, بەلگىلى ءداستۇرلى ءانشى بەكبولات تىلەۋحان اعامىزدىڭ ءانىن تىڭداپ تامسانباعان ادام از شىعار قازاقتا, سەبەبى ول كىسى قولىنا دومبىرا الىپ, ءان سالا باستاعاندا ءبارىمىزدىڭ ۇلتتىق كودىمىزعا سۋ بۇرىككەندەي قومپاڭداپ قالامىز. كەشە توي ۇستىندە ەل قولقا سالىپ, جاندى داۋىسپەن ءار ءوڭىردىڭ ءانىن قۇيقىلجىتا جونەلگەندە اعالار مارتتىگىن كورسەتىپ, سىي-سىياپاتىن ايامادى. تاۋەلسىزدىكتى ەندى الىپ, ەل ەسەڭگىرەپ جاتقاندا قازاقتى قازتۋعاننىڭ, دوسپامبەتتىڭ, اقتامبەردىنىڭ جىرىمەن تابىستىرعان اردا اعا, امان بولىڭىز, بار بولىڭىز!», — دەدى پروديۋسەر ايساۋلە ءابىلدا.
