بەكتەنوۆ 1 جەلتوقسانعا دەيىن بارلىق كۇماندى جانە ءتيىمسىز جاردەماقىلاردى الىپ تاستاۋدى تاپسىردى

فوتو: primeminister.kz

پرەمەر-مينيستر ولجاس بەكتەنوۆ 1 جەلتوقسانعا دەيىن بارلىق وڭىرلەردە الەۋمەتتىك قولداۋ شارالارىنىڭ بىرىڭعاي ستاندارتىن ازىرلەۋدى تاپسىردى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

“بارلىق كۇماندى جانە ءتيىمسىز الەۋمەتتىك تولەمدەر مەن جاردەماقىلاردى الىپ تاستاۋ قاجەت. بولدى. وسى ماسەلەدە نۇكتە قويۋ كەرەك. ءبىز الەۋمەتتىك ادىلەتتىلىكتى ساقتاپ, ماسىلدىق پيعىلدى ازايتۋ ءۇشىن شارالار قابىلدايتىن بولامىز. ۇكىمەتتىڭ مىندەتى — بارلىعىنا بىردەي جاعداي جاساۋ. ال ازاماتتار جۇمىس ىستەپ, ءوزىن جانە ءوز وتباسىن اسىراۋعا ۇمتىلۋى كەرەك. مەملەكەت باسشىسى ءدال وسى ماسەلەگە ايرىقشا كوڭىل ءبولىپ وتىر”, — دەدى بەكتەنوۆ.

وسىعان بايلانىستى پرەمەر تسيفرلاندىرۋ مينيسترلىگىمەن بىرلەسىپ, وسى جىلدىڭ 1 قاراشاسىنا دەيىن ەڭبەك مينيسترلىگى جانىنداعى الەۋمەتتىك سالانىڭ بىرىڭعاي تسيفرلىق پلاتفورماسىن ەنگىزۋدى تاپسىردى.

«بيىل 1 قاراشاعا دەيىن الەۋمەتتىك سالانىڭ بىرىڭعاي تسيفرلىق پلاتفورماسى ەنگىزىلۋى شارت. ال الەۋمەتتىك كودەكستە الەۋمەتتىك اۋديت تەتىكتەرى بەكىتىلەدى», -دەدى ول.

ايتا كەتەيىك, پرەزيدەنت قاسىم-جومارت توقاەۆ جولداۋىندا ايماقتارداعى الەۋمەتتىك تۇرعىدان وسال توپتاعى ازاماتتارعا بولىنەتىن الەۋمەتتىك تولەمدەردى بىرىزدەندىرۋ كەرەك ەكەنىن ايتقان بولاتىن.