بەكتەنوۆ بيۋدجەت قاراجاتىنا قاتىستى قاتاڭ ەسكەرتۋ جاسادى

فوتو: primeminister.kz

پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسى بارىسىندا تالقىلاۋ جانە داۋىس بەرۋ قورىتىندىسى بويىنشا 2026-2028 جىلدارعا جانە 2035 جىلعا دەيىنگى الەۋمەتتىك-ەكونوميكالىق دامۋ بولجامدارى, سونداي-اق الداعى ءۇش جىلدىق كەزەڭگە ارنالعان رەسپۋبليكالىق بيۋدجەت جوباسى ماقۇلداندى, دەپ حابارلايدى qandastar.kz

«رەسپۋبليكالىق بيۋدجەت جوباسى مەن جالپى سيپاتتاعى ترانسفەرتتەردى قالىپتاستىرۋ بارىسىندا جاڭا بيۋدجەت جانە سالىق كودەكستەرى ەسكەرىلگەن. بارلىق مەملەكەتتىك ورگاندارعا ەلدىڭ الەۋمەتتىك-ەكونوميكالىق دامۋدىڭ بەلگىلەنگەن پارامەترلەرىنە قول جەتكىزۋدى قامتاماسىز ەتۋدى تاپسىرامىن. بيۋدجەت قاراجاتىن بارىنشا ءتيىمدى جانە ۋاقتىلى پايدالانۋ, سونداي-اق شىعىنداردى قاتاڭ باقىلاۋدا ۇستاۋ ماڭىزدى», — دەپ اتاپ ءوتتى ولجاس بەكتەنوۆ.

قارجى جانە ۇلتتىق ەكونوميكا مينيسترلىكتەرىنە ۇكىمەت اپپاراتىمەن بىرلەسە وتىرىپ زاڭ جوبالارىن پارلامەنتكە 1 قىركۇيەككە دەيىن ەنگىزۋ تاپسىرىلدى.