Bektenov bıýdjet qarajatyna qatysty qatań eskertý jasady

Foto: primeminister.kz

Premer-Mınıstr Oljas Bektenovtyń tóraǵalyǵymen ótken Úkimet otyrysy barysynda talqylaý jáne daýys berý qorytyndysy boıynsha 2026-2028 jyldarǵa jáne 2035 jylǵa deıingi áleýmettik-ekonomıkalyq damý boljamdary, sondaı-aq aldaǵy úsh jyldyq kezeńge arnalǵan respýblıkalyq bıýdjet jobasy maquldandy, dep habarlaıdy qandastar.kz

«Respýblıkalyq bıýdjet jobasy men jalpy sıpattaǵy transfertterdi qalyptastyrý barysynda jańa Bıýdjet jáne Salyq kodeksteri eskerilgen. Barlyq memlekettik organdarǵa eldiń áleýmettik-ekonomıkalyq damýdyń belgilengen parametrlerine qol jetkizýdi qamtamasyz etýdi tapsyramyn. Bıýdjet qarajatyn barynsha tıimdi jáne ýaqtyly paıdalaný, sondaı-aq shyǵyndardy qatań baqylaýda ustaý mańyzdy», — dep atap ótti Oljas Bektenov.

Qarjy jáne Ulttyq ekonomıka mınıstrlikterine Úkimet Apparatymen birlese otyryp zań jobalaryn Parlamentke 1 qyrkúıekke deıin engizý tapsyryldy.