Jańalyqtar
Bektenov ekonomıkanyń ósip jatqan salalaryn atady
Premer-mınıstr Oljas Bektenov 8 proenttik ósý qarqyny bar ekonomıka salalaryn atady,-dep habarlaıdy Qandastar.kz
Parlament palatalarynyń birlesken otyrysynda depýtattar úkimet basshysynan el ekonomıkasynyń ósýi jaıynda surady. Bektenovtyń aıtýynsha, otandyq ekonomıkanyń damý qarqynyna kúrdeli geosaıası jaǵdaı keri áser etýi múmkin. Qazaqstanmen saýda jasaıtyn negizgi elderdiń ishki jaǵdaıy da óz yqpalyn tıgizedi.
“Biraq qazirgi kezde ekonomıkanyń keıbir salalarynda ósý qarqyny jaman emes. Mysaly, qurylys, kólik pen baılanys salalarynda 8 proentke jýyq ósim bar.
Saýda salasynda ósý kórsetkishteri ázirshe tómen bolyp otyr. Oǵan sý tasyqynynyń saldary áser etti dep oılaımyz. Biraq ol kórsetkishter birte-birte qalpyna kelip jatyr”,-dedi Bektenov.
Osy oraıda “óte joǵary ósý áleýetine ıe salalardy” da atady. Olar: qurylys, ınfraqurylym, óńdeý óndirisi járe agroónerkásip kesheni. Sol sebepti búginde osy salalarǵa aýqymdy memlekettik qoldaý kórsetilip jatyr.
“Máselen, tek “Báıterek” holdıngi arqyly ekonomıkamyzǵa 3 trıllıon teńgege jýyq ınvestıııa quıylyp jatyr.
Al “Samuryq-Qazyna” qory esebinen 700 mıllıard teńge bólindi”,-dep atap kórsetti Bektenov.
Aıta keteri, Qazaqstan prezıdenti Qasym-Jomar Toqaev jańa úkimet basshysyna ekonomıkalyq ósim boıynsha naqty tapsyrma bergen.
Eldiń ishki jalpy ónimin jyl saıyn kem degende 6 proentke ósirý kerek. Osylaısha, 2029 jylǵa deıin ekonomıkanyń kólemi 450 mlrd dollarǵa jetýi shart.
