Bektenov sýarmaly jerlerdiń kólemin ulǵaıtýdy júktedi

Foto: ashyq derekkóz

Prezıdent Joldaýyn oryndaý aıasynda Oljas Bektenov sý únemdeý tehnologııalaryn engizý esebinen sýarmaly jerlerdiń kólemin ulǵaıtýdy tapsyrdy, dep habarlaıdy qandastar.kz

Premer-Mınıstr Oljas Bektenovtiń tóraǵalyǵymen ótken Úkimet otyrysynda vegetaııalyq kezeńdi ótkizý qorytyndylary qaraldy.

Premer-Mınıstr bıylǵy vegetaııalyq kezeń sý resýrstarynyń tapshylyǵynsyz ótkenin atap ótti. Sonymen qatar sýdy únemdeıtin tehnologııalardy qoldanýdyń mańyzyna toqtaldy. Ásirese, bul másele Qazaqstannyń ońtústik óńirleri úshin erekshe mánge ıe.

«Memleket basshysy halyqqa Joldaýynda ekonomıkanyń barlyq salalarynda, ásirese aýyl sharýashylyǵynda sý únemdeý tehnologııalaryn paıdalanýdyń mańyzyn atap kórsetti. Bizdiń elimizde úlken sý resýrstary joq. Sýdy únemdi jumsaý, bul máselede halyqty ǵana emes, eń aldymen bıznesti yntalandyrý óte mańyzdy. Sondyqtan óńirler sý únemdeý tehnologııalary bar egis alqaptaryn ulǵaıtý jónindegi ındıkatorlarǵa qol jetkizýge tıis», — dep atap ótti Oljas Bektenov.

Sý únemdeý tehnologııalaryn qoldaný jospary asyra oryndalǵan Qyzylorda oblysyndaǵy oń nátıjeler aıtyldy. О́ńir dástúrli túrde sýdy eń kóp tutynatyn aımaq sanalady. Bıyl oblys sýarý tıimdiligin arttyra aldy, bul sýdyń edáýir kólemin únemdeýge múmkindik berdi.

Oljas Bektenov bul tájirıbeni elimizdiń basqa óńirlerinde qoldanýdy tapsyrdy. Sondaı-aq vegetaııalyq kezeńde sý bólý boıynsha kelissózderdi sapaly júrgizý úshin kórshi memlekettermen yntymaqtastyqty kúsheıtý qajet.