Bektenov: Synyp jetekshileriniń jalaqysy 30 paıyzǵa artady

Foto: ınform.kz

Synyp jetekshileri tıisti ósim ala alady. Bul týraly premer-mınıstr Oljas Bektenov depýtattyq saýalǵa bergen jaýabynda málimdedi, – dep jazady qandastar.kz

Bul qadam «balalar arasyndaǵy buzaqylyq pen qylmystyń aldyn alýda mańyzdy ról atqaratyn» 220 myń muǵalimdi qoldaýǵa baǵyttalǵan.

«Bıýdjettik múmkindikterdi eskere otyryp, synyp jetekshileriniń mártebesin jaqsartý úshin qosymsha tólemdi kezeń-kezeńimen 30%-ǵa arttyrý máselesi talqylanýda», – delingen jaýapta.

Bektenov býllıngtiń aldyn alýdyń jańa tásilderi týraly da baıandady. Ol 111 baılanys ortalyǵy jumys isteıtinin, bir jylda 18 783 áıel men balaǵa kómek kórsetilgenin alǵa tartty.

«5-9-synyptarǵa arnalǵan «Jahandyq quzyretter» kýrsynda Etıka jáne estetıka bólimi bar, ol balalardyń emoıonaldyq ıntellektisi men synı oılaýyn damytady, sonymen qatar 20 aımaqta psıhologııalyq qoldaý ortalyqtary ashyldy», – dep qosty premer-mınıstr.

Eske salaıyq, balalar men olardyń ata-analaryna jedel psıhologııalyq jáne quqyqtyq kómek kórsetý úshin baılanys ortalyqtary, BalaQorgauBot2.0 chat boty jáne Balaqorǵaý veb-saıty jumys isteıdi.