Bekzat Sattarhanovtyń anasy: Olımpıada aldynda ózbek boksshylary kelip, batamdy alyp ketti

Foto: Vıdeodan skrın

Sıdneı Olımpıadasynyń chempıony marqum Bekzat Sattarhanovtyń anasy Syrlygúl Sattarhanova jýrnalıst Nurseıit Jylqyshybaıǵa bergen suhbatynda qazaq boksshylaryna renishin aıtty, dep habarlaıdy Azattyq Rýhy.

Marqum boksshynyń anasy chempıon atanǵan qazaq boksshylarynyń bireýi de kelip amandaspaǵanyn aıtty.

«Shynyńyzdy aıtyńyzshy, keıingi kezde qaı Olımpıada chempıony sizge kelip ketti», – dep suraıdy jýrnalıst Nurseıit Jylqyshybaı.

Bul saýalǵa jaýap bergen Syrlygúl Sattarhanova Olımpıadanyń aldynda ózbek boksshylary ózine arnaıy kelip ketkenin aıtady.

«Ár Olımpıada aldynda ózbek boksshylary úıime keledi. Bir jyldary Ikarýs avtobýsymen túgeldeı kelip, dastarhanymnan dám aýyz tıip, menen bata alyp ketti. Jyl saıyn kelip turady, bıyl da kelip ketti. Al bıyl men óz bala-shaǵamdy kórmedim. Men boksshylardy bala-shaǵam deımin. Baqtııar Artaevtan basqa eshkimdi kórmeppin. Mine, 24 jyl boldy ǵoı», – dedi Syrlygúl Sattarhanova.», – deıdi anasy.

Aıta keteıik, ózbekstandyq boksshylar Parıj Olımpıadasynda bes altyn medal jeńip alǵan. Al qazaqstandyq boksshylar bir kúmis medalmen ǵana elge oraldy.