Jańalyqtar
Belarýs ShYU-nyń tolyqqandy múshesi boldy
ASTANA. KAZINFORM – Elordadaǵy Táýelsizdik saraıynda ótip jatqan Shanhaı yntymaqtastyq uıymynyń sammıtinde Belarýs Respýblıkasy Uıymnyń tolyqqandy múshesi boldy, dep habarlaıdy KAZINFORM.
Belarýs Respýblıkasy 2010 jyldan beri Shanhaı yntymaqtastyq uıymyna qatysyp keledi. Bastapqyda dıalog boıynsha áriptes boldy, keıin baqylaýshy mártebesin aldy.
Osy sammıt qarsańynda el Prezıdenti Aleksandr Lýkashenko agenttik tilshisine eksklıýzıvti suhbat bergen bolatyn.
Aıta keteıik, is-sharaǵa Qazaqstan, Iran, Qytaı, Qyrǵyzstan, Pákistan, Reseı, Tájikstan, О́zbekstan, Belarýs, Mońǵolııa, Ázerbaıjan, Qatar, Túrkııa jáne Túrikmenstannyń Memleket pen Úkimet basshylary, BAÁ-den Ras ál-Haıma ámirliginiń ámiri, Úndistannyń Syrtqy ister mınıstri, sondaı-aq ShYU Bas hatshysy jáne ShYU О́ńirlik terrorızmge qarsy qurylymynyń Atqarýshy dırektory qatysyp otyr.
Sammıtke sonymen qatar BUU Bas hatshysy jáne TMD, EYU, AО́SShK, UQShU, EEK jáne AQIU sııaqty halyqaralyq uıymdardyń basshylary shaqyrylǵan.
ShYU sammıti alǵash ret «ShYU-ǵa múshe Memleket basshylary keńesiniń otyrysy» jáne «ShYU+» kezdesýi formatynda ótýde.
