«Belarýsııaǵa aınalyp baramyz ba?»: Qorǵanys mınıstri kimderge ashýly?

Foto: ashyq derekkóz

Qorǵanys mınıstri Rýslan Jaqsylyqov jeke qurammen jumys kezinde qatelikter jibergen generaldar men áskerı sheneýnikterge sógis jarııalady, dep jazady   qandastar.kz  Alash.KZ-ke silteme jasap.

BAQ betterinde Rýslan Jaqsylyqovtyń genelardar men áskerı shendilerdiń jumysyn synǵa alyp, qyzmetinen bosatqane vıdeosy tarady.

“Biz Belarýsııaǵa aınalyp baramyz ba? Álde joǵary laýazymǵa qol jetkizip alǵan soń bosańsyp qaldyńdar ma? Degenderińe qol jetkizdińder, boldy ma? Birinshe kezekte, qoǵam senderden neni talap etedi? Jastardyń ómirin saqtap qalý. Sender aldymen qol astyndaǵy adamdardyń ómirine jaýaptysyńdar. Olardyń jumys isteýine barlyq jaǵdaıdy jasaý kereksińder”, – dep eskertti Qorǵanys mınıstri.

Rýslan Jaqsylyqov Áýe qorǵanysy kúshteri bas qolbasshysynyń tárbıe isi jónindegi orynbasary polkovnık Talǵat Syzdyqovtyń laýazymyn atqaryp otyrǵan qyzmetine saı emes dep tapty. Sondaı-aq mınıstr general-maıor Nurtas Qabaqovty Áýe qorǵanysy kúshteriniń qolbasshysy qyzmetinen bosatý týraly ótinish beretinin aıtty.

“Keshirińizder, biraq men sizderdiń tarapyńyzdan baqylaýdyń joqtyǵyn aıtyp, únemi nusqap otyrýym kerek pe”, – dedi mınıstr.