بەلگىلى ادۆوكات شەرزات ىسىنە قاتىستى پىكىر ءبىلدىردى

كوللاج: sn.kz

تانىمال ادۆوكات دجوحار وتەبەكوۆ شەرزاتتىڭ ولىمىنە قاتىستى سوت پروتسەسىن, پروكۋرورلار مەن پوليتسەيلەردى سىناپ, الەۋمەتتىك جەلىدەگى پاراقشاسىندا جازبا جاريالادى, دەپ حابارلايدى Skifnews.kz اقپارات پورتالى. 

شەرزات مەرت بولعان وقيعا ورنىندا 15 ادام بولعان. تەرگەۋ كەزىندە تەك 13 ادامنان جاۋاپ الىنعان. 11-ءىن قاماۋعا العان, تەك 9 ادامدى سوتتاپ جاتىر. شەرزاتتى وتلىرگەنى ءۇشىن تەك ءبىر ادام ايىپتالىپ وتىر. تەك ءبىر! قالعان ايىپتالۋشىلار “كورشىلەردىڭ ۇيىقتاۋىنا كەدەرگى جاساپتى”. ولاردى بۇزاقىلىق بابىمەن سوتتاماق! سوندا ول توپتاسىپ ادام ءولتىرۋ بولماسا, ءبىزدىڭ ۆيدەودان كورگەنىمىز نە? پوليتسيا مەن پروكۋرورلار “حۋتورلىقتاردى” نەگە كىناسىز دەپ سانايدى?, — دەيدى ادۆوكات.

سونىمەن قاتار, دجوحار وتەبەكوۆ سۋديانىڭ جۇمىسى تۋرالى پىكىر ءبىلدىردى.

— سۋديا پروتسەستى زاڭ تۇرعىسىنان جاقسى اتقارىپ وتىر. بىراق ول پوليتسيا مەن پروكۋرورلار ايىپ تاقپاعان ادامداردى كىسى ولتىرگەنى ءۇشىن سوتتاي المايدى. مۇنداي “بۇزاقىلار” ءبىر جىلدان كەيىن-اق شارتتى تۇردە مەرزىمىنەن بۇرىن بوستاندىققا شىعۋى مۇمكىن. سوسىن تاعى ادام ءولتىرىپ, ادامداردىڭ ۇيقىسىن بۇزا ما? حۋتورلىقتار تاعى دا زاڭدى اينالىپ ءوتتى. تۇرمەدە تۋعان كۇن تويلاپ, سوت زالىنان ك ۇلىپ شىققان سولار ەمەس پە?, — دەيدى وتەبەكوۆ.