Belgili aıtyskerdiń uly halyqqa úndeý jasady

Foto: Turkystan.kz

Aıtysker aqyn, marqum Orazaly Dosbosynovtyń uly Nursultan áleýmettik jelide jazba jarııalap, kópshilikke ótinish aıtty, dep habarlaıdy qandastar.kz

«Men – Orazaly Dosbosynov pen Ajar Túzelbekqyzynyń uly Nursultan Dosposynovpyn. Endi shyǵarmashylyq jolymdy NRS degen atpen jalǵastyryp,  halyqtyń aldynda jańa qyrymmen shyǵýǵa bel býdym.  Maǵan senip, demeý kórsetip, árdaıym janymnan tabylyp júrgen barsha jandarǵa sheksiz alǵysymdy bildiremin! Sizderdiń qoldaýlaryńyz – meniń alǵa umytylýyma, armandarymdy júzege asyrýyma úlken shabyt beredi. Jaqynda alǵashqy avtorlyq týyndym jaryq kóredi. Bul meniń júregimnen shyqqan erekshe dúnıe, sondyqtan eńi alǵashqylardyń  biri bolyp tyńdaǵyńyz kelse, meniń Instagram-daǵy paraqshama tirkelip qoıyńyz. Qoldaý bildirip, birge bolaıyq.

Rasynda da, men áke-sheshemdi qatty saǵynamyn… О́kinishke oraı, olardy qansha jerden saǵynsaq ta, bul ómirge qaıta oralmaıdy. Biraq sol kisilerdiń kózin kórgen, birge júrgen dostary men syrlastary, tanystary aman bolsyn dep tileımin. Eger osy vıdeony kórip otyrǵan jandardyń arasynda, ata-anamdy tanıtyn bolsa, olarmen aralasqan jandar bolsa sizderge ótinishim bar: meniń alǵa qoıǵan maqsattaryma jetýime tileýles bolyńyzdarshy! Osy ómirde kisilerdiń artynda qolǵan amanat – menmin», – dedi Nursultan Dosbosynov.